ಜಗದುದ್ದಗಲದಿ ಬೆಳಗುತಲಿಹುದು ಸ-
ನಾತನ ಹಿಂದೂ ಧರ್ಮ |
ಸತ್ಯ ಅಹಿಂಸೆಯೆ, ಸಮತೆಯೆ ಮಮತೆಯೆ
ಜನಹಿತ ಸೇವೆಯೆ ಮರ್ಮ || ಪ ||
ಹಿಂದೂ ಶಕ್ತಿಯ ಸಿಂಧುವಿನಲ್ಲಿ
ನಾವುಗಳೆಲ್ಲರು ಬಿಂದುಗಳು |
ಅಖಂಡ ಭಾರತ ಬಾಂದಳದಲ್ಲಿ
ನಗೆ ಚೆಲ್ಲುವ ಚೆಲು ತಾರೆಗಳು || ಅ. ಪ. ||
ಕೇಶವ ಮಾಧವರನು ಧ್ಯಾನಿಸುತಲಿ ವಂದನೆ ಸಲಿಸುವೆವು
ಸಾರ್ಥಕ ದಾರಿಯ ನಡೆದ ಮಹಾತ್ಮರ ಅನುದಿನ ನೆನೆಯುವೆವು |
ಬುದ್ಧಿ ವಿಕಾಸಕೆ, ಶಿಕ್ಷಣ, ಸ್ವಾಸ್ಥ್ಯಕೆ, ಜನಜಾಗೃತಿಗೆಂದು
ವಿಧ ವಿಧ ರೂಪದಿ ಶ್ರಮಿಸುವೆವಿಂದು – ನಾವೆಲ್ಲರು ಒಂದು ||
|| ಹಿಂದೂ ಶಕ್ತಿಯ ||
ಪ್ರಕೃತಿ ವಿಕೋಪದಿ ಅವಿರತ ದುಡಿದಿದೆ ಹಿಂದೂ ಸಂಘಟನೆ
ಸಾವಿರ ಸಾವಿರ ಮನೆಗಳ ನೀಡಿದೆ, ಮಾಡದೆ ಕ್ಷಣಗಣನೆ |
ನಿಲ್ಲಿಸಬೇಕಿದೆ ದೇಶದಿ ಗೋವಧೆ, ಸಲ್ಲದ ಭ್ರಷ್ಟಾಚಾರ
ತಡೆಯಲು ಬೇಕಿದೆ ತುಚ್ಛ ಮತಾಂತರ, ಉಗ್ರರ ಹಿಂಸಾಚಾರ ||
|| ಹಿಂದೂ ಶಕ್ತಿಯ ||
ಬುದ್ಧಿಯ, ಶಕ್ತಿಯ ಸದ್ವಿನಿಯೋಗದಿ ಸದೃಢರಾಗೋಣ
ಸಮೃದ್ಧ ರಾಷ್ಟ್ರವ ನಿರ್ಮಿಸಿ ಜಗದಲಿ ಸುಭದ್ರಗೊಳಿಸೋಣ |
‘ಹಿಂದೂ’ನಾದಕೆ ಎದೆ ಎದೆಯಲ್ಲೂ ಪುಟಿ ಪುಟಿಯಲಿ ಪುಲಕ
ಭಾರತಿ ದೇವಿಗೆ ಶೋಭೆಯ ನೀಡಲಿ ಕೇಸರಿ ಕುಂಕುಮ ತಿಲಕ ||
|| ಹಿಂದೂ ಶಕ್ತಿಯ ||
