smartphone

ಮುಂದಿನ ವರ್ಷಗಳಲ್ಲಿ ಸ್ಮಾರ್ಟ್‌ಫೋನ್ ಜಗತ್ತಿಗೆ ಕಾಲಿರಿಸುವ ಬಹುತೇಕ ಮಂದಿ ಇಂಗ್ಲಿಷ್ ಬರದವರಾಗಲಿದ್ದಾರಂತೆ. ಇಂಗ್ಲಿಷ್ ಬಲ್ಲ ವರ್ಗದವರೇ ಮೊಬೈಲ್ ಬಳಸುವಲ್ಲಿ ಈಗ ಮುಂದಿರುವುದರಿಂದ ಇತರ ಭಾಷೆಗಳವರ ಸಂಖ್ಯೆ ಹೆಚ್ಚಾಗಲಿದೆ ಎಂಬುದು ಒಂದು ಲೆಕ್ಕಾಚಾರ. ಇದಕ್ಕಾಗಿ ಅನೇಕ ಕಂಪೆನಿಗಳು ಈಗಾಗಲೇ ತಮ್ಮ ನೆಲೆ ಗಟ್ಟಿಗೊಳಿಸಲು ಆರಂಭಿಸಿದ್ದು ಹಲವು ಭಾಷೆಗಳ ಬಳಕೆದಾರರನ್ನು ತಲಪಲು ಬೇಕಾದ ತಂತ್ರಜ್ಞಾನಗಳು ತಯಾರಾಗುತ್ತಿವೆ. ಇದು ಭಾರತೀಯ ಭಾಷೆಗಳಿಗೆ ವರದಾನವಾಗುವುದಲ್ಲದೆ ತಂತ್ರಜ್ಞಾನ ಸಾಮಾನ್ಯರಿಗೂ ಕೈಗೆಟಕಿ `ಡಿಜಿಟಲ್ ಡಿವೈಡ್’ ಕಡಮೆಗೊಳಿಸಲು ಸಹಕಾರಿಯಾಗಲಿದೆ.