ವ್ಯಕ್ತಿತ್ವ ವಿಕಾಸ

ಒಬ್ಬ ವ್ಯಕ್ತಿ ಜೀವನ್ಮುಖಿಯಾಗಿ ಸಮಾಜಮುಖಿಯಾದರೆ ಇಡೀ ಸಮಾಜವನ್ನು ಬದಲಿಸಲು ಸಾಧ್ಯವಿದೆ. ಸಮಾಜಕ್ಕೆ ಉಪಯೋಗವಾಗುವ ಮನುಷ್ಯನ ಸಣ್ಣ ಪ್ರಯತ್ನವಾದರೂ ಅದರಿಂದ ಆಗುವ ಪರಿಣಾಮ ಮಾತ್ರ ಬಹುದೊಡ್ಡದು. ವ್ಯಕ್ತಿಯ ಒಂದು ಉಪಕಾರ ಸಮಾಜದಲ್ಲಿ ಬಹುದೊಡ್ಡ ಕ್ರಾಂತಿಯನ್ನೆ ತರಬಹುದು. ‘ನನ್ನೊಬ್ಬನಿಂದ ಈ ಸಮಾಜ ಸುಧಾರಣೆ ಸಾಧ್ಯವೇ?’ ಎಂಬುದಾಗಿ ನಮಗೆ ಹಲವು ಬಾರಿ ಅನ್ನಿಸುತ್ತದೆ. ಆದರೆ ಮನುಷ್ಯನೊಬ್ಬ ಮನಸ್ಸು ಮಾಡಿದರೆ ಏನೂ ಮಾಡಬಹುದು. ಒಬ್ಬ ವ್ಯಕ್ತಿಯಿಂದ ಸಾಮಾಜಿಕ ಅನಿಷ್ಟಗಳು ದೂರವಾದದ್ದು, ಸಾಮಾಜಿಕ ಪರಿವರ್ತನೆಯಾದ ಉದಾಹರಣೆಗಳು ಸಾಕಷ್ಟಿದೆ. ಮನುಷ್ಯ ಹುಟ್ಟುವಾಗ ಒಬ್ಬಂಟಿಯಾಗಿ ಹುಟ್ಟುತ್ತಾನೆ. ಸಾಯುವಾಗಲೂ […]

ಕಾಡುಪ್ರಾಣಿಗಳು ಮನುಷ್ಯನನ್ನು ಕೊಂದದ್ದಕ್ಕಿಂತ ಅಧಿಕವಾಗಿ ಮನುಷ್ಯ ಮನುಷ್ಯನನ್ನು ಕೊಂದ ಇತಿಹಾಸ ನಮ್ಮ ಕಣ್ಣ ಮುಂದಿದೆ. ಪ್ರಾಣಿಗಳು ಕೇವಲ ತಮ್ಮ ಅಸ್ತಿತ್ವಕ್ಕಾಗಿ ಕೊಂದರೆ ಮನುಷ್ಯ ಹಲವಾರು ಕ್ಷುಲ್ಲಕ ಕಾರಣಗಳಿಗೆ ಹಾಗೂ ಯಾವುದೇ ಕಾರಣವಿಲ್ಲದೆಯೂ ಪ್ರಾಣಿಗಳನ್ನು ಕೊಲ್ಲುತ್ತಾನೆ. ಜಿಂಕೆಯ ಕೊಂಬಿಗಾಗಿ ಜಿಂಕೆಯನ್ನು ಕೊಲ್ಲುತ್ತಾನೆ. ಆನೆಯ ದಂತಕ್ಕಾಗಿ ಆನೆಯನ್ನು, ಉಗುರು-ಚರ್ಮಕ್ಕಾಗಿ ಹುಲಿಯನ್ನು ಕೊಲ್ಲುತ್ತಾನೆ. ಕೊಂಬು, ದಂತ, ಚರ್ಮ ಇವೆಲ್ಲವನ್ನೂ ನಮ್ಮ ಮನೆಯ ಅಲಂಕಾರಕ್ಕಾಗಿ ಬಳಸುತ್ತೇವೆ. ಹೀಗೆ ಮನೆಯ ಅಂದಕ್ಕಾಗಿ ಮುಗ್ಧ ಪ್ರಾಣಿಗಳನ್ನು ಬಲಿಗೊಡುವುದು ಕ್ರೂರತೆಯಲ್ಲವೆ? ಈ ಕ್ರೂರತೆಯೆ ಮನುಷ್ಯನ ಸಹಜ ಸ್ವಭಾವವಾಗಿ […]

ಕೆಲವರ ಅನಿಸಿಕೆಯ ಪ್ರಕಾರ ಜೀವನ ಎಂಬುದು ಸುಖ-ದುಃಖಗಳ ಮಿಶ್ರಣ. ಇನ್ನು ಕೆಲವರ ಪ್ರಕಾರ ಜಗತ್ತಿನಲ್ಲಿ ಸುಖಕ್ಕಿಂತ ದುಃಖವೇ ಹೆಚ್ಚು. ‘ಸಾಸಿವೆಯಷ್ಟು ಸುಖಕ್ಕೆ ಸಾಗರದಷ್ಟು ದುಃಖ ನೋಡಾ’ ಎಂದು ಅಲ್ಲಮಪ್ರಭು ಸಾರಿದ್ದಾನೆ. ಹಲವು ಪಾಶ್ಚಾತ್ಯ ಚಿಂತಕರ ಪ್ರಕಾರ ಜೀವನವೆಂಬುದು ದುರಂತಗಳ ಸರಮಾಲೆ. ಅದರಲ್ಲಿ ಯಾವುದೇ ಸಾರವಿಲ್ಲ. ಮರುಭೂಮಿಯ ಖರ್ಜೂರ ಜೀವನದಲ್ಲಿ ನಾವು ಅಪಾರ ಕಷ್ಟಗಳನ್ನು ಕಂಡರೂ ವಿರಳವಾದ ಸುಖಕ್ಕೆ ಕಷ್ಟದ ನೋವನ್ನು ಮರೆಸುವ ಶಕ್ತಿ ಇದೆ. ಬದುಕು ಬಂಜರುಭೂಮಿಯೆನಿಸಿದರೂ ಆ ಮರುಭೂಮಿಯಲ್ಲಿ ಅಲ್ಲಲ್ಲಿ ಕಾಣಲು ಸಿಗುವ ಓಯಸಿಸ್‍ಗಳನ್ನು ನಿರೀಕ್ಷಿಸಿ […]

ಶಿಕ್ಷಣದ ನೈಜ ಉದ್ದೇಶ ಸತ್ಯದ ಅನಾವರಣ ನಾವು ವಿದ್ಯಾರ್ಥಿಗಳ ಬುದ್ಧಿವಂತಿಕೆಯನ್ನು ನೆನಪಿನ ಶಕ್ತಿಯ ಆಧಾರದ ಬದಲು ಸರ್ಜನಶೀಲತೆಯ ಆಧಾರದ ಮೇಲೆ ಅಳೆಯಬೇಕು. ಕೆಲವು ಮಕ್ಕಳಲ್ಲಿ ಸರ್ಜನಶೀಲತೆ ಎಷ್ಟೊಂದು ಸಹಜವಾಗಿ ಬೇರೂರಿರುತ್ತದೆ ಎಂದರೆ ಅವರಂತಹ ಯೋಚನೆಗಳು, ಉಪಾಯಗಳು ಸ್ನಾತಕೋತ್ತರ ಪದವಿಯಲ್ಲಿ ರ್ಯಾಂಕ್ ಪಡೆದು ಉದ್ಯಮದ ದೊಡ್ಡ ದೊಡ್ಡ ಹುದ್ದೆಯಲ್ಲಿದ್ದವರಿಗೂ ಹೊಳೆಯುವುದಿಲ್ಲ. ಒಂದು ಪ್ರಸಿದ್ಧ ಟೂತ್‍ಪೇಸ್ಟ್ ಕಂಪೆನಿಯವರು ತಮ್ಮ ಟೂತ್‍ಪೇಸ್ಟ್ ಅಧಿಕ ಮಾರಾಟವಾಗಬೇಕಾದರೆ ಏನು ಉಪಾಯ ಮಾಡಬೇಕು ಎಂಬುದಾಗಿ ತಮ್ಮ ಬೋರ್ಡ್ ಮೀಟಿಂಗ್‍ನಲ್ಲಿ ಚರ್ಚೆಗೆ ಇಟ್ಟರು. ಮಾರಾಟಗಾರರಿಗೆ ಕಮಿಷನ್ ಜಾಸ್ತಿ […]

ನಮ್ಮ ದಿನನಿತ್ಯದ ಯಾಂತ್ರಿಕಜೀವನದ ಗೋಳಿನಿಂದ ಹೊರಬರಬೇಕಾದರೆ ನಾವು ಪ್ರವಾಸ ಹೋಗಬೇಕು. ಪ್ರವಾಸವು ಮನುಷ್ಯನಲ್ಲಿ ಉಲ್ಲಾಸ, ಆನಂದ ತಂದುಕೊಡುತ್ತದೆ. ಮನುಷ್ಯನು ವರ್ಷಕ್ಕೆ ಕನಿಷ್ಠ ಎರಡು ಬಾರಿಯಾದರೂ ತನ್ನ ಉದ್ಯೋಗ, ಉದ್ವೇಗ ಬಿಟ್ಟು ಪ್ರವಾಸಕ್ಕೆ ಹೋಗಬೇಕು. ಬೇಕಾದರೆ ಒಮ್ಮೆ ಕುಟುಂಬದವರೊಡನೆ, ಇನ್ನೊಮ್ಮೆ ಆತ್ಮೀಯ ಗೆಳೆಯರೊಂದಿಗೆ ಪ್ರವಾಸ ಹೋದರೆ ಉತ್ತಮ. ಪ್ರವಾಸದಲ್ಲಿ ತಮಾಷೆ, ಸಂತೋಷ ಮಾತ್ರವಲ್ಲ, ಜ್ಞಾನ ಮತ್ತು ಅನುಭವವೂ ಸಿಗುತ್ತದೆ. ಕರ್ನಾಟಕದ ಹಳ್ಳಿಗಳನ್ನು ಸಂದರ್ಶನ ಮಾಡಿ, ಅಲ್ಲಿನ ಗೋಡೆಗಳ ಮೇಲೆ ಬೆರಣಿ ತಟ್ಟಿರುವುದನ್ನು ಗಮನಿಸಿದ ವಿದೇಶೀ ಪ್ರವಾಸಿಗನೊಬ್ಬ ತನ್ನ ಪ್ರವಾಸದ […]

ಸುಶಿಕ್ಷಿತ ನಾಗರಿಕ ಸಮಾಜವು ಯಾವತ್ತೂ ಹಿಂಸೆಯನ್ನು ಬಯಸುವುದಿಲ್ಲ. ಏಕೆಂದರೆ ಹಿಂಸೆಯು ವೈಯಕ್ತಿಕವಾಗಿ ಅಶಾಂತಿಯನ್ನೂ, ಸಾಮಾಜಿಕವಾಗಿ ಕ್ಷೋಭೆಯನ್ನೂ ತರುತ್ತದೆ. ಹಿಂಸೆಯಿದ್ದಾಗ ಪ್ರಗತಿಯೆನ್ನುವುದು ಮರೀಚಿಕೆಯಾಗುತ್ತದೆ. ಶಾಂತಿಯಿದ್ದಾಗ ಮಾತ್ರ ವಿಕಾಸವು ಸಾಧ್ಯವಾಗುತ್ತದೆ. ಹಿಂಸೆಯು ಮಾನವೀಯತೆಯನ್ನೇ ಅಳಿಸಿಹಾಕುತ್ತದೆ. ಹಿಂಸೆಗೆ ಕೈ-ಕಾಲುಗಳಿರುತ್ತವೆಯೇ ವಿನಾ ಯೋಚಿಸುವ ತಲೆಯೇ ಇರುವುದಿಲ್ಲ. ಮನುಷ್ಯನಲ್ಲಿ ಹಿಂಸೆ ಕೆರಳಿದಾಗ ಆತ ತನ್ನ ವಿವೇಚನಾಶಕ್ತಿಯನ್ನೇ ಕಳೆದುಕೊಳ್ಳುತ್ತಾನೆ. ಜನರ ಗುಂಪಿಗೆ ಹಿಂಸೆಯ ಆಕರ್ಷಣೆ ಜಾಸ್ತಿ. ಏಕೆಂದರೆ ಅಲ್ಲಿ ಭಾವನೆಗೆ ಬೆಲೆಯೇ ವಿನಾ ವಿವೇಕಕ್ಕೆ ಅಲ್ಲ. ಮನುಷ್ಯ ಭಾವುಕನಾದಾಗ ವಿವೇಕಶೂನ್ಯನಾಗುತ್ತಾನೆ. ಆಗ ಆತನ ಬುದ್ಧಿ ಆತನ […]

ಹುಟ್ಟಿದ ಮನುಷ್ಯ ಹಗಲು-ರಾತ್ರಿ ನಿರಂತರವಾಗಿ ಕೆಲಸದಲ್ಲಿ ತೊಡಗಿರುತ್ತಾನೆ. ಕೆಲಸವಿಲ್ಲದ ಜೀವನವೆಂಬುದಿಲ್ಲ. ಕೆಲಸ ಮಾಡದೆ ಇರುವುದು ನಿರ್ಜೀವತೆಯ ಲಕ್ಷಣ. ಹುಟ್ಟಿದ ಮೇಲೆ ಕೆಲಸ ಮಾಡದೆ ಇರುವ ಸ್ವಾತಂತ್ರ್ಯ ಮನುಷ್ಯನಿಗಿಲ್ಲ. ಆದರೆ ಏನು ಕೆಲಸ ಮಾಡಬೇಕು, ಹೇಗೆ ಮಾಡಬೇಕು, ಯಾವ ಭಾವನೆಯಿಂದ ಮಾಡಬೇಕು? – ಎಂಬ ಆಯ್ಕೆ ಮನುಷ್ಯನಿಗಿದೆ. ಮನುಷ್ಯ ಏನೇ ಕೆಲಸ ಮಾಡಿದರೂ ಅದಕ್ಕೊಂದು ಫಲಿತಾಂಶ ಇದೆ. ಪರಿಣಾಮವಿಲ್ಲದ ಕೆಲಸವೆಂಬುದೇ ಇಲ್ಲ. ‘Reaction is because of action only’ ಎಂಬ ಮಾತು ಅಕ್ಷರಶಃ ನಿಜ. ಆದರೆ ಒಂದು […]

ಮನುಷ್ಯನ ಬಾಳಿಗೊಂದು ಧ್ಯೇಯ ಇರಬೇಕು. ಗುರಿಯಿಲ್ಲದ ಬದುಕು ಚುಕ್ಕಾಣಿಯಿಲ್ಲದ ನಾವೆಯಂತೆ. ಪ್ರವಾಹದಲ್ಲಿ ಕೊಚ್ಚಿಹೋಗುವ ತರಗೆಲೆಯಂತೆ. ನದಿಗೆ ತನ್ನ ಮೂಲಸೆಲೆಯಾದ ಸಮುದ್ರವನ್ನು ಸೇರುವುದೇ ಗುರಿ. ಅದೇ ನದಿಯಲ್ಲಿ ತೇಲಿಹೋಗುವ ಯಾವ ವಸ್ತುವಿಗೂ ಗುರಿ ಎಂಬುದಿಲ್ಲ. ನದಿ ತನ್ನನ್ನು ಎಲ್ಲಿಗೆ ಕರೆದೊಯ್ಯುತ್ತದೆಯೋ ಅಲ್ಲಿಗೆ ಹೋಗುತ್ತದೆಯೇ ವಿನಾ, ತಾನು ಬಯಸಿದ ಗುರಿಯನ್ನು ಸೇರುವುದಿಲ್ಲ. ಆದ್ದರಿಂದ ನಮ್ಮ ಗುರಿ ಯಾವುದು, ಗುರಿ ಸೇರಲು ದಾರಿ ಯಾವುದು ಎಂಬುದನ್ನು ಮೊದಲು ನಿಶ್ಚಯಿಸಬೇಕು. ಗುರಿ ಸೇರುವ ಪ್ರಯತ್ನವನ್ನು ಸಾಧನೆ ಎನ್ನುತ್ತಾರೆ. ಗುರಿಯಿಲ್ಲದ ಪ್ರಯತ್ನವನ್ನು, ಕೃತ್ಯವನ್ನು ಸಾಧನೆ […]