ಕ್ರೀಡೆ

ನಾವೆಷ್ಟೇ ಬೇಡವೆಂದರೂ ಕ್ರಿಕೆಟ್ ಎಂಬ ೧೧ ಮಂದಿ ಆಡುವ ಆಟ ನಮ್ಮ ದೇಶದ ಅಂತರಾಳವನ್ನು ಆಕ್ರಮಿಸಿದೆ. ಅದನ್ನೀಗ ನಮ್ಮದೇ ಆಟ ಎಂದು ಅನಿವಾರ್ಯವಾಗಿ ಒಪ್ಪಿಕೊಳ್ಳುವ ಸ್ಥಿತಿಗೆ ಬಂದಿzವೆ. ಯೂರೋಪ್‌ಗೆ ಫುಟ್‌ಬಾಲ್ ಹೇಗೋ ಹಾಗೆ ಭಾರತಕ್ಕೆ ಕ್ರಿಕೆಟ್ ಎಂಬುದು ನಿಕ್ಕಿಯಾಗಿದೆ. ಕ್ರಿಕೆಟ್ ಇಂಗ್ಲೆಂಡ್‌ನಲ್ಲಿ ಹುಟ್ಟಿದ್ದರೂ ಅದು ಭಾರತದ ಕ್ರೀಡಾಕ್ಷೇತ್ರದಲ್ಲಿ ದೊಡ್ಡಣ್ಣನಾಗಿ ರಾರಾಜಿಸುತ್ತಿದೆ. ಎಷ್ಟೇ ಅವಸರದ ಕೆಲಸವಿದ್ದರೂ ಕ್ರಿಕೆಟ್ ಪಂದ್ಯದ ವೇಳೆ ಸ್ಕೋರ್ ಎಷ್ಟು ಎಂದು ಕ್ರಿಕೆಟ್ ನಿಂದಕರೂ ಕೇಳಿ ತಿಳಿದುಕೊಳ್ಳುವ ಸ್ಥಿತಿ ಇಂದು ದೇಶದಲ್ಲಿದೆ.

ಧೋನಿ ಉಳಿದ  ಕಪ್ತಾನರಂತೆ ಯಾವುದೇ ಅಧಿಕೃತ ವಿದಾಯ  ಬಯಸಲಿಲ್ಲ. ಸರಣಿ ನಡುವೆಯೇ ವಿದಾಯ ಹೇಳಿದರು. ಅದು ಕೂಡ  ತನ್ನ ವಿದಾಯವನ್ನು ಮೊದಲು ತಿಳಿಸಿದ್ದು  ಬಿಸಿಸಿಐಗೆ.  ಸೋಲು-ಗೆಲವುಗಳ ಸಂದರ್ಭದಲ್ಲಿ ಹೇಗೋ,  ಹಾಗೇ ನಿವೃತ್ತಿಯಲ್ಲೂ ಧೋನಿಯದು ಅದೇ ನಿರ್ಲಿಪ್ತ,  ನಿರುಮ್ಮಳ ಭಾವ. ಭಾರತೀಯ ಕ್ರಿಕೆಟ್ ಕಂಡ ಅತ್ಯಂತ ಯಶಸ್ವಿ ನಾಯಕರಲ್ಲೊಬ್ಬರಾದ ಮಹೇಂದ್ರಸಿಂಗ್ ಧೋನಿ ಈ ಪರಿ ಟೆಸ್ಟ್ ಕ್ರಿಕೆಟ್‌ನಿಂದ ನಿರ್ಗಮಿಸುವ ಹಠಾತ್ ನಿರ್ಧಾರ ಕೈಗೊಳ್ಳುತ್ತಾರೆಂದು ಯಾವ ಕ್ರಿಕೆಟ್ ತಜ್ಞರೂ ಊಹಿಸಿರಲಾರರು. ಕ್ರಿಕೆಟ್ ಹುಚ್ಚಿನ ಈ ದೇಶದಲ್ಲಿ ೨೦೧೪ರ ವರ್ಷಾಂತ್ಯದ ಬಹಳ […]