ಪ್ರಧಾನಮಂತ್ರಿ ನರೇಂದ್ರ ಮೋದಿಯವರದು ಅಮೆರಿಕಕ್ಕೆ ಈಗಿನದು ಮೊದಲ ಭೇಟಿಯಲ್ಲವಾದರೂ ಹಲವು ಕಾರಣಗಳಿಂದ ಇದು ವಿಶಿಷ್ಟವೆನಿಸಿತು – ವಿಶೇಷವಾಗಿ ಪ್ರಕೃತದ ರಾಷ್ಟ್ರ-ರಾಷ್ಟ್ರಗಳ ಸಂಬಂಧಗಳ ಸಂಕೀರ್ಣತೆಯಿಂದಾಗಿ. ‘ಶೀತಲ ಯುದ್ಧ’ ವರ್ಷಗಳ ಅವಧಿಯಲ್ಲಿ ಮತ್ತು ಅದಕ್ಕೆ ಹಿಂದೆ ಭಾರತ-ಅಮೆರಿಕಗಳ ನಡುವೆ ಸ್ನೇಹವು ಸಾಧ್ಯವೇ ಇಲ್ಲವೆನಿಸುವ ಸ್ಥಿತಿ ಇತ್ತು. ಆ ಹಿಂದಿನ ಮಾನಸಿಕತೆಯಿಂದ ಹೊರಬರಲು ೧೯೯೦ರ ದಶಕದಿಂದಾಚೆಗೆ ಭಾರತ ಹೆಣಗಬೇಕಾಯಿತು. ಹೊಸ ಸಹಸ್ರಾಬ್ದದ ಮೊದಲ ದಶಕದ ನಡುಭಾಗದಲ್ಲಿ ‘ಅಣುಶಕ್ತಿ ಒಡಂಬಡಿಕೆ’ ನಿರ್ಮಿಸಿದ ವಿರಸದಿಂದ ಚೇತರಿಸಿಕೊಳ್ಳಲು ದೀರ್ಘ ಕಾಲ ಹಿಡಿಯಿತು. ಇತ್ತೀಚಿನ ರಷ್ಯ-ಯುಕ್ರೇನ್ ಸಮರದ […]

ಯೋ ಧ್ರುವಾಣಿ ಪರಿತ್ಯಜ್ಯ ಅಧ್ರುವಾಣಿ ನಿಷೇವತೇ | ಧ್ರುವಾಣಿ ತಸ್ಯ ನಶ್ಯಂತಿ ಅಧ್ರುವಂ ನಷ್ಟಮೇವ ಚ||                              – ಪಂಚತಂತ್ರ “ನಮ್ಮ ಲಕ್ಷ್ಯವು ಯಾವಾಗಲೂ ಉನ್ನತ ತತ್ತ್ವದ ಕಡೆಗೆ ಇರಬೇಕು. ಸ್ಥಿರವಾದುದನ್ನು ಬಿಟ್ಟು ಯಾರು ಸಣ್ಣಪುಟ್ಟ ಸಾಧನೆಗಳಿಂದಲೇ ತೃಪ್ತರಾಗುತ್ತಾರೋ ಅವರದು ವ್ಯರ್ಥ ಪ್ರಯಾಸ. ಅವರಿಗೆ ದೊಡ್ಡದೇನೂ ಲಭಿಸುವುದಿಲ್ಲ; ಅಲ್ಪವಾದವಂತೂ ತಾವಾಗಿ ನಶಿಸಿರುತ್ತವೆ.” ಭಾರತದ ಸಸ್ಯಶಾಸ್ತ್ರಜ್ಞರಲ್ಲಿ ಮೂರ್ಧನ್ಯಭೂತರಾದವರು ಬೀರಬಲ್ ಸಾಹನೀ (೧೮೯೧-೧೯೪೯). ಅವರು ವಿದ್ಯಾರ್ಥಿದಶೆಯಲ್ಲಿದ್ದಾಗ ನಡೆದ ಘಟನೆ ಇದು. ಬಿ.ಎಸ್ಸಿ. ಪರೀಕ್ಷೆಗಾಗಿ ಅವರು ಹೋದರು. ಅವರ ಕೈಗೆ ಬಂದ […]