ಜಯರಾಮ ರೈ ಕುಂಜಾಡಿ

ದಿನವು ಬಾಂದಳದಲ್ಲಿ ಗರಿಬಿಚ್ಚಿ ಹಾರಾಡಿ ಮರಳಿ ಮನೆಗೈತರುವೆ ಗೆಳೆಯ ಬಾನಾಡಿ || ಇರು, ನಿನ್ನ ಸಂಗಡವೆ ಬರುವೆ ನಾ ಪಯಣಿಗನೆ ಎನಗು ಹಾರಲು ಕಲಿಸು ಒಲಿದು ಜತೆಗೂಡಿ || ಭುವಿಯ ಪರಿಧಿಯ ಮೀರಿ ನಭದ ಏಣಿಯನೇರಿ ಇಳೆಯ ಸೌಂದರ್ಯವನು ಸವಿವ ಮನದಣಿಯೆ|| ಮೋಡದಲೆಗಳ ಮೇಲೆ ಮೋದದಲಿ ತೇಲಾಡಿ ಜೋಡಿ ಹಕ್ಕಿಗಳಾಗಿ ನಲಿವ ಮೈಮರೆಯೆ|| ಹೊಳೆವ ಸೂರ್ಯನ ಕಿರಣಗಳಿಗೆ ಮೈಯೊಡ್ಡುತಲಿ ಪಯಣಗೈವ ನಾವು ಗಗನದೊಳು ಸಾಗಿ|| ಭವದ ಸಂಕ?ಗಳ, ದುಗುಡ ದುಮ್ಮಾನಗಳ ಕ್ಷಣಮರೆತು ಹಾಯಾಗಿ ಇರುವ ಜೊತೆಯಾಗಿ|| ವಿಧಿಯ […]

ಮರವೊಂದರಲಿ ಕುಳಿತ| ಎರಡು ಹಕ್ಕಿಗಳಿಹವು ಗುಣ ಭಾವ ಬಣ್ಣದಲಿ| ಸಲೆ ಹೋಲುತಿಹವು            ||೧|| ಫಲವೊಂದ ತಿನ್ನುತಿದೆ| ಮೊದಲನೆಯ ಹಕ್ಕಿ ಕುಳಿತು ನೋಡುತಲಿಹುದು| ಎರಡನೆಯ ಹಕ್ಕಿ      ||೨|| `ತಿನುವ ಬಾ’ ಎನ್ನುತಿದೆ| ಮೊದಲನೆಯ ಹಕ್ಕಿ| `ನಿನಗಿರಲಿ, ನಾನೊಲ್ಲೆ’| ಎನಲು ಜೊತೆವಕ್ಕಿ         ||೩|| ತಿನುವಾಸೆ ಬಿಡದಿಹುದು| ಮೊದಲನೆಯ ಹಕ್ಕಿ| ತಿನಲಾರೆನೆನ್ನುತಿದೆ| ಎರಡನೆಯ ಹಕ್ಕಿ ||೪|| ಸಾಕೆನದೆ ತಿನ್ನುತಿದೆ| ಮೊದಲನೆಯ ಹಕ್ಕಿ ಸಾಕ್ಷಿ ತಾನಾಗಿಹುದು| ಎರಡನೆಯ ಹಕ್ಕಿ               ||೫|| ಸುಖದುಃಖ ಸಂಗಾತಿ| ಮೊದಲನೆಯ ಹಕ್ಕಿ| ಅಕಳಂಕ ಸಂನ್ಯಾಸಿ| ಎರಡನೆಯ ಹಕ್ಕಿ                ||೬|| […]