ಡಾ|| ಎಸ್.ಆರ್. ರಾಮಸ್ವಾಮಿ

ಅಭಿನವಗುಪ್ತರ ಸಹಸ್ರಮಾನೋತ್ಸವ ಸಂದರ್ಭದಲ್ಲಿ ಎಸ್.ಆರ್. ರಾಮಸ್ವಾಮಿ ಅವರ ಲೇಖನಿಯಿಂದ ಮೂಡಿಬಂದ ವಿದ್ವತ್ಪೂರ್ಣ ಲೇಖನಸರಣಿಯ ಎರಡನೆಯ ಕಂತು ಇಲ್ಲಿದೆ. ಭಾರತದ ವಿವಿಧ ಭಾಷಾಸಾಹಿತ್ಯಗಳಿಗೆ ಲಾಕ್ಷಣಿಕ ಆಧಾರವಾಗಿರುವುದು ಸಂಸ್ಕೃತದಲ್ಲಿನ ಅಲಂಕಾರ ಶಾಸ್ತ್ರವೇ. ಸಾಮಾನ್ಯ ಸಂವಾದದಲ್ಲಿ ಅಲಂಕಾರಶಾಸ್ತ್ರವೆಂಬ ಶಬ್ದವು ಬಳಕೆಯಾದಾಗ ಅದರಲ್ಲಿ ವಿವಕ್ಷಿತವಾಗುವುದು ಸಂಸ್ಕೃತದ ಅಲಂಕಾರಶಾಸ್ತ್ರವೇ. ಈ ಸಂಸ್ಕೃತ ಅಲಂಕಾರಶಾಸ್ತ್ರದ ವಿಕಾಸವರ್ಷಕ್ಕೂ ಮುಖ್ಯ ಅವಲಂಬವಾಗಿರುವವು ಭರತನ ನಾಟ್ಯಶಾಸ್ತ್ರ, ಆನಂದವರ್ಧನನ ಧ್ವನ್ಯಾಲೋಕ, ಅಭಿನವಗುಪ್ತರ ’ಅಭಿನವಭಾರತೀ’ ಮತ್ತು ’ಧ್ವನ್ಯಾಲೋಕಲೋಚನ’. ಅಭಿನವಗುಪ್ತರ ಕೃತಿಗಳಲ್ಲಿ ಅಲ್ಲಿಗೆ ಹಿಂದಿನ ಎಂದರೆ ಕ್ರಿಸ್ತಶಕ ಮೊದಲ ಸಹಸ್ರಾಬ್ದದ ಅಂತ್ಯದವರೆಗಿನ ಭಾರತೀಯ ಸಾಹಿತ್ಯಶಾಸ್ತ್ರಚಿಂತನೆಯ […]

ಭಾರತೀಯ ಪ್ರಜ್ಞಾಪರಂಪರೆಯಲ್ಲಿ ಆಚಾರ್ಯ ಅಭಿನವಗುಪ್ತರ ಹಿರಿಮೆ ಸಾವಿರ ವರ್ಷಗಳಿಂದಲೂ ಜನಮಾನಸದಲ್ಲಿ ಉಳಿದುಬಂದಿದೆ. ಹತ್ತನೇ ಶತಮಾನದ ಕೊನೆಯ ಭಾಗದಲ್ಲಿ ಕಾಶ್ಮೀರದಲ್ಲಿ ಜೀವಿಸಿದ್ದ ಅಭಿನವಗುಪ್ತಪಾದರು ಶಿವನ ಅವತಾರವೆಂದೇ ಪ್ರಸಿದ್ಧರು. ಕಲಾಮೀಮಾಂಸೆ, ಭಾಷೆ, ತಂತ್ರಶಾಸ್ತ್ರಗಳಲ್ಲದೆ ಕಾಶ್ಮೀರ ಶೈವದ ಅಂಗವಾದ ಪ್ರತ್ಯಭಿಜ್ಞಾದರ್ಶನಕ್ಕೆ ಮೆರುಗುಕೊಟ್ಟವರು. ಜಗತ್ತಿನ ಹತ್ತು ಮಂದಿ ಶ್ರೇಷ್ಟ ಚಿಂತಕರಲ್ಲಿ ಸೇರತಕ್ಕವರು ಅಭಿನವಗುಪ್ತರು ಎಂಬ ಪರಾಮರ್ಶನೆಯೂ ಉಂಟು. ಭಾರತೀಯ ಬೌದ್ಧಿಕ ವಾರಸಿಕೆಯು ಆಧುನಿಕತೆಯ ಬಿರುಗಾಳಿಗಳಿಗೆ ಸಿಲುಕಿ ನಲುಗುತ್ತಿರುವ ಈಗಿನ ಸಂದರ್ಭದಲ್ಲಿ ಅಭಿನವಗುಪ್ತರಂಥ ಪ್ರತಿಭಾಶಾಲಿಗಳ ವಾರಸಿಕೆಯ ಅನುಸಂಧಾನ ಅತ್ಯಂತ ಅವಶ್ಯವಾಗಿದೆ. ಇದು ಭಾರತೀಯ ಪ್ರಜ್ಞಾಪರಂಪರೆಯ […]