ಕವನಗಳು

ಎಳೆಬಿಸಿಲು ಮೈತಾಗಿ ಹೊಳೆವ ಕನ್ನಡಿಯಾಗೆ ನನ್ನೊಳಗೆ ಮುಖ ನೋಡಿ ನಗುವ ದಿವಾಕರನು ಮತ್ತೆ ಕೆಂಪಾಗಿ ರಂಗೇರಿ ಮರೆಯಾಗುತ್ತಿದ್ದುದು ನನ್ನಾ ತೀರದಂಚಲ್ಲಿ. ಕಂಕುಳಲಿ ಕೂತು ಬಂದ ಮಗುವೂ, ತಲೆಯಲಿ ಹೊತ್ತು ತಂದ ವಸ್ತ್ರವೂ ಹೊಳೆಯುತ್ತಿದ್ದುದು ನನ್ನೊಳಗೆ ಮುಳುಗಿ ಎದ್ದಾಗಲೇ. ಮೈ ಕೈ ತುಂಬಿದ ಹೆಣ್ಣಾಗಿಸಿದ ವರುಣನ ಮಿಲನದ ಸಂಭ್ರಮವ ನೋಡಿ ನನ್ನೆಡೆಗೆ ನಗು ಚೆಲ್ಲುತ್ತಿದ್ದವನು ಆ ನೇಗಿಲಯೋಗಿಯೇ. ಗಟ್ಟಿಗಿತ್ತಿಯಂತೆ ಮೈ ಚಾಚಿ ನಿಂತಾಗ ನನ್ನ ಸೆರಗಲ್ಲಿ ಆಡಿ ನಲಿದ ಪುಟ್ಟ ಮಕ್ಕಳೆಲ್ಲ ಖುಷಿಪಟ್ಟದ್ದು ನಾ ಶಾಂತೆಯಾಗಿ, ಮೌನವಾದಾಗಲೇ. ಅಗೋ, […]

ಉಗಾದಿ ಕಳೆದು ಭರಣಿ ಹೋದರು ಉದುರಲಿಲ್ಲ ನಾಕು ಹನಿ ಊರಾಗಿನ ಕೆರೆ ಬಾಯಿಕಳೆದು ಕುಂತರು ತಾರಸಿ ಆಗ್ಯಾವು ಹುಲ್ಲು ಮನಿ ಇನ್ನೂ ಹೆಚ್ಚಾಗ್ಯಾವೂ ಆರ್ದ್ರೆ ಮಳಿ ಹಬ್ಬದ ಕುರಿ ಬಲಿ. ಹಳ್ಳಿ ಕೇರಿಗಳೆಲ್ಲ ಆ ಪಕ್ಷ ಈ ಪಕ್ಷ ಆಗಿ ಒಡೆದಾವೂ ಕೆರೆ ಕೊಡಿ ಮಾತ್ರ ಒಡಿಲಿಲ್ಲ ಮಾಯಗಾರ ಮಳಿರಾಯ ಉದ್ರಸಾನ ಹೊಟ್ಟೆಕಿಚ್ಚಿಗೆ ನಾಕು ಹನಿ ಕೇಳೋರ್ಯಾರು ನನ್ನ ದನಿ. ಊರ ಓಣಿಗಳೆಲ್ಲ ಕಾಂಕ್ರೀಟ್ ಹೊದ್ದಾವು ಉದ್ಯೋಗ ಖಾತ್ರ್ಯಾಗ ನನ್ನ ಮೈ ಪರಚಿ ಕೇಕೆ ಹಾಕ್ಯಾನೋ ಗುತ್ತೆದಾರ… […]

ನಾಡು ನಮ್ಮದು, ಕರುನಾಡು ನಮ್ಮದು ದಾಸ ಶರಣ ಸಂತ ಕವಿ , ಗುಡಿಯು ನಮ್ಮದು ಕೃಷ್ಣ ತುಂಗೆ ಕಾವೇರಿ ಹರಿವ ಸೊಬಗು ನೋಡಿರಿ ಶಾರದೆ ಚಾಮುಂಡಿ ದುರ್ಗೆ ಹರಸೊ ವರವ ಬೇಡಿರಿ ಗೀತ ನಾಟ್ಯ ಸಾಹಿತ್ಯ ಶಿಲ್ಪ ಶಿಕ್ಷಣಾದಿ ಕಾಶಿಯು ತಾಯ ಮಡಿಲಲ್ಲಿ ಇಹುದು ಅನ್ನ ಹೊನ್ನ ರಾಶಿಯು ದೂರ ಹಬ್ಬಿ ನಿಂತ ತೀರ ಪಡುವಣದ ಸಾಗರ ತೆಂಗು ಕಂಗು ನಂದಿ ಸುರಗಿ ಶ್ರೀಗಂಧ ಹೊನ್ನೆಯಾಗರ ಹೊಯ್ಸಳ ಚಾಲುಕ್ಯ ರಾಷ್ಟ್ರಕೂಟ ಗಂಗ ಕದಂಬರ ಸಿರಿ ಮುಡಿಯು ಚೆನ್ನಮ್ಮಾಜಿ […]

ಬೆಟ್ಟದೇವರನ್ನೊಮ್ಮೆ ಮುಟ್ಟಿ ಬರಬೇಕೆಂದು ಮೆಟ್ಟುಕಲ್ಲಿನ ಮೇಲೆ ಕಾಲನಿರಿಸಿ ದಿಟ್ಟಿಯನು ಕಲಶದಲಿ ಇಟ್ಟು ಬಗೆಯನು ಕಟ್ಟಿ ಹೆಜ್ಜೆ ಹತ್ತುತಲಿಹುದು ಮೆಟ್ಟನ್ನೊತ್ತಿ. ಹೊತ್ತು ಸಾಗುತಿಹ ಕಾಲು ಪಾದಗಳಲ್ಲಿ ಕ್ಷಣಕ್ಷಣಕು ಇಣುಕುತಿದೆ ಸೋತ ಭಾವ ನೆತ್ತಿಯಲ್ಲದೆ ದೇಹ ಹೊತ್ತ ಕಾಲುಗಳೂ ಸುಡುಸುಡುತ ಸಹಿಸುತಿವೆ ಬಿಸಿಲ ಕಾವ. ಹತ್ತಲಾರೆನು ಇನ್ನು ಹೊತ್ತು ಈ ಮೈಯನ್ನು ಸತ್ತು ಹೋಗುವೆನೇನೊ ಇನ್ನು ಏರಿದರೆ ಶಿಲೆಯ ಪಲ್ಲಂಗದಲಿ ಮೈ ಚಾಚಿ ಮಲಗುತ್ತ ಮನದ ಭಾವದಲವನ ಮುಟ್ಟಿ ಬರುವೆ ಬೆಟ್ಟದೇವರನೊಮ್ಮೆ ಮುಟ್ಟಿ ಬರುವೆ.

ದಿನವು ಬಾಂದಳದಲ್ಲಿ ಗರಿಬಿಚ್ಚಿ ಹಾರಾಡಿ ಮರಳಿ ಮನೆಗೈತರುವೆ ಗೆಳೆಯ ಬಾನಾಡಿ || ಇರು, ನಿನ್ನ ಸಂಗಡವೆ ಬರುವೆ ನಾ ಪಯಣಿಗನೆ ಎನಗು ಹಾರಲು ಕಲಿಸು ಒಲಿದು ಜತೆಗೂಡಿ || ಭುವಿಯ ಪರಿಧಿಯ ಮೀರಿ ನಭದ ಏಣಿಯನೇರಿ ಇಳೆಯ ಸೌಂದರ್ಯವನು ಸವಿವ ಮನದಣಿಯೆ|| ಮೋಡದಲೆಗಳ ಮೇಲೆ ಮೋದದಲಿ ತೇಲಾಡಿ ಜೋಡಿ ಹಕ್ಕಿಗಳಾಗಿ ನಲಿವ ಮೈಮರೆಯೆ|| ಹೊಳೆವ ಸೂರ್ಯನ ಕಿರಣಗಳಿಗೆ ಮೈಯೊಡ್ಡುತಲಿ ಪಯಣಗೈವ ನಾವು ಗಗನದೊಳು ಸಾಗಿ|| ಭವದ ಸಂಕ?ಗಳ, ದುಗುಡ ದುಮ್ಮಾನಗಳ ಕ್ಷಣಮರೆತು ಹಾಯಾಗಿ ಇರುವ ಜೊತೆಯಾಗಿ|| ವಿಧಿಯ […]

ಏಪ್ರಿಲ್ ಮೇಗಳ ಕಾವಿನಲಿ ಕಳೆದು ಹೋಗಿದೆ ಚೈತ್ರ ಹೊಸತು ಉಲ್ಲಾಸಗಳಿಗಿಲ್ಲಿ ಬೇರೆಯಾಗಿದೆ ಅರ್ಥ. ಮಾಮರ ಕೋಗಿಲೆಗಳು ಕಂಪ್ಯೂ ಪರದೆಯಲಿ ಮೂಡಿ ಹ್ಯಾಪಿ ನ್ಯೂ ಇಯರ್ಗಳು ಈವ್ನಿಂದಲೆ ಹರಿದಾಡಿ ಯುಗದಾದಿಯವರೆಗೂ ಕಾಯುವವರಾರಿಲ್ಲಿ ? ಜೀನ್ಸಿನ ಲಲನೆಯರಲ್ಲಿ ದೀಪ ಹಚ್ಚುವವರಾರು ? ಪಬ್ಬು ಕ್ಲಬ್ಲುಗಳ ಪಾನಗೋಷ್ಠಿಗಳಲಿ ವಸಂತರಸವನು ತುಂಬುವವರಾರು? ಧೂಳಿನಲಿ ಮಿಂದ ಮರಗಳಲಿ ಕೆಂಜಿಗುರುಗಳ ಮೂಡಿಸುವವರಾರು? ಸಂವತ್ಸರದುದ್ದಕೂ ಮಾರುಕಟ್ಟೆಯಲಿ ಸೊನೆ ಮಾವಿನ ಗಂಧ ಮಾನಿನಿಯರ ಮುಡಿಯಲ್ಲಿ ನಿತ್ಯ ಜಾಸ್ಮೀನ್ ಕಂಪು ಮಾರನ ಬಿಲ್ಲಿನಂತೆ ಕಳೆಯೇರಿಸುವ ವಿದ್ಯುತ್ತಿನ ಬಣ್ಣಗಳಲಿ ಸದಾ ಸುಗ್ಗಿಯ […]