ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ
ಪ್ರಕಟಣೆಯ
57ನೇ
ವರ್ಷ

ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ

Utthana > ಉತ್ಥಾನ ಜುಲೈ 2020 > ಆತ್ಮನಿರ್ಭರ ಭಾರತ

ಆತ್ಮನಿರ್ಭರ ಭಾರತ

ಬೆಳೆದು ಬೆಳಗಲಿ ಭಾರತ |

ನನ್ನಾತ್ಮನಿರ್ಭರ ಭಾರತ ||

ಅಂಕೆ ಸೂತ್ರವ ಮರೆತ ಮಾನವ

ಮೆರೆದ ಹಮ್ಮಿನ ಜಾಲದಿ

ಅಗೋಚರ ಕ್ರಿಮಿಯೊಂದದು

ಕೆಡವಿತವನನು ಮಾಯದಿ |

ದುಡಿದು ತಿನ್ನುವ ಕೈಗಳೆಲ್ಲವು ಬೇಡಿ ಬದುಕುವ ಕಾಲವು

ಕಾಲ್ನಡಿಗೆಗೆ ದಾರಿ ಸವೆದು ಸೊರಗಿಹೋದವು ಕಂಗಳು ||

ಬೆಳೆದು ಬೆಳಗಲಿ ಭಾರತ |

ನನ್ನಾತ್ಮನಿರ್ಭರ ಭಾರತ ||

ಜಗವೆ ತಲ್ಲಣಗೊಂಡ ವೇಳೆಗೆ ಭಾರತಾಂಬೆ ಕಣ್ತೆರೆದಳು

ಬಂದಿಯಾಗುತ ಬೇಲಿಯೊಳಗೆ ತಾನೆ ಸಾವನು ಗೆದ್ದಳು |

ಆದರಿದು ವಿಶೇಷವಲ್ಲವು ಮುಂದೆ ಇರುವುದೇ ಸಾಹಸ

ಬದುಕು ಬರ್ಬರವಾದ ಕ್ಷಣದಲಿ

ಹೊಳೆಯುತಿರುವುದು ಆಗಸ ||

ಬೆಳೆದು ಬೆಳಗಲಿ ಭಾರತ |

ನನ್ನಾತ್ಮನಿರ್ಭರ ಭಾರತ ||

ಕೊಡವಿ ಕಾರಿರುಳನಿಂದು ಎದ್ದು ನಿಲ್ಲಲೆಬೇಕಿದೆ

ಜನ್ಮಭೂಮಿಯ ಋಣವನರಿತರೆ

ಅಲ್ಲೆ ಬಯಸುವ ಫಲವಿದೆ |

ಸ್ವಾಭಿಮಾನವು ಸೇರಿ ಹೊಮ್ಮುವ

ಸಂಘ ಶಕ್ತಿಯ ಸಮಯವು

ಬಾಳ ಸತ್ತ್ವವ ಸಾರಿ ಹೇಳುವ ಋಷಿಪರಂಪರೆ ಸತ್ಯವು ||

ಬೆಳೆದು ಬೆಳಗಲಿ ಭಾರತ |

ನನ್ನಾತ್ಮನಿರ್ಭರ ಭಾರತ ||

ಯುಗದಾಚೆಗೂ ಯೋಗವಿದ್ಯೆಯ

ಜಗಕೆ ಸಾರಿದ ಹೆಮ್ಮೆಯು

ಪುಣ್ಯಭೂಮಿಯ ದಿವ್ಯಶಕ್ತಿಗೆ ವಿಶ್ವವೇ ತಲೆಬಾಗಲು |

ಪರರ ಜೋಳಿಗೆಗಿಣುಕಬಾರದು

ಆತ್ಮಾಭಿಮಾನದ ಛಲವ ಹೊತ್ತು

ಬೇಡಿ ಪಡೆಯುವ ಬಯಕೆಗಿಂತ

ನೀಡಿ ಗಳಿಸುವ ಪುಣ್ಯ ಸಂಪತ್ತು ||

ಬೆಳೆದು ಬೆಳಗಲಿ ಭಾರತ |

ನನ್ನಾತ್ಮನಿರ್ಭರ ಭಾರತ ||

ಗುಡಿಯ ಒಳಗಿನ ಪುಟ್ಟ ಹಣತೆಯೆ

ಭರತಮಾತೆಗೆ ದೀವಿಗೆ

ಹಸಿರೆ ಹೊನ್ನು ಆಸರೆಯೆ ಮಣ್ಣು

ದುಡಿದು ಉಣ್ಣುವ ಕರ್ಮಿಗೆ |

ಎಲ್ಲ ಇರುವ ಪುಣ್ಯಭೂಮಿಯು

ನಮಗೆ ಭಾಗ್ಯವಿಧಾತೆಯು

ಮತ್ತೆ ಮೆರೆಯಲಿ ಮಣ್ಣ ಸತ್ತ್ವವು

ಜಗಕೆ ಜ್ಯೋತಿಯೆ ನಿತ್ಯವು ||

ಜಗಕೆ ಜ್ಯೋತಿಯೆ ನಿತ್ಯವು ||

ಬೆಳೆದು ಬೆಳಗಲಿ ಭಾರತ |

ನನ್ನಾತ್ಮನಿರ್ಭರ ಭಾರತ ||

ನಿಮ್ಮ ಪ್ರತಿಕ್ರಿಯೆ ನೀಡಿ

ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ

`ಉತ್ಥಾನ’ : ೧೯೬೫ರಿಂದ ಪ್ರಕಟವಾಗುತ್ತಿರುವ ಕನ್ನಡದ ಹೆಮ್ಮೆಯ ಸದಭಿರುಚಿಯ ಮಾಸಪತ್ರಿಕೆ. ರಾಜ್ಯದಾದ್ಯಂತ ಪ್ರಸರಣ ಇರುವ ಸಂಚಿಕೆಯು ಈಗ ಕ್ರೌನ್‌ ಚತುರ್ದಳ ಆಕಾರದಲ್ಲಿ ೧೧೨ ವರ್ಣಪುಟಗಳಲ್ಲಿ ವೈವಿಧ್ಯಮಯ ಲೇಖನ, ನುಡಿಚಿತ್ರ, ಸಾಹಿತ್ಯದ ಬರಹಗಳನ್ನು ಪ್ರಕಟಿಸುತ್ತಿದೆ.  ಸಂಚಿಕೆಯ ಬೆ ಲೆ ೨೦ ರೂ.

Utthana
Kannada Monthly Magazine ​
Utthana Trust
Keshavashilpa, Kempegowda Nagara
Bengaluru - 560019
Karnataka State , INDIA

Phone : 080-26612732
Email : utthana1965@gmail.com

ಉತ್ಥಾನದ ಹೊಸ ಪ್ರಕಟಣೆಗಳ ಬಗ್ಗೆ ನಿಮ್ಮ ಈಮೈಲ್‌ ಅಂಚೆಪೆಟ್ಟಿಗೆಯಲ್ಲೇ ಮಾಹಿತಿ ಪಡೆಯಿರಿ. ಇದಕ್ಕಾಗಿ ನಮ್ಮ ವಾರ್ತಾಪತ್ರಕ್ಕೆ ಉಚಿತವಾಗಿ ಚಂದಾದಾರರಾಗಿ