ಬದುಕೆಂದರೆ ಕೇವಲ ಮೋಜು–ಮಸ್ತಿಯಲ್ಲ, ಅದೊಂದು ಕರ್ತವ್ಯ ಎಂಬ ಪ್ರಜ್ಞೆಯನ್ನು ನಾವು ಮರೆತಿಲ್ಲವಾದರೆ ಅದನ್ನು ಮರೆಯುವಂತೆ ಮಕ್ಕಳನ್ನೇಕೆ ರೂಪಿಸಬೇಕು? ಪೋಷಕರು ಹೊರೆಯಲ್ಲ ಎಂಬ ಅರಿವು ನಮಗೆ ಇದ್ದುದೇ ಹೌದಾದರೆ ಅದೇ ಮನಃಸ್ಥಿತಿಯನ್ನು ನಮ್ಮ ಮಕ್ಕಳಲ್ಲೂ ಅರಳಿಸಬೇಕಾಗಿರುವುದು ಇಂದಿನ ಅಗತ್ಯವೇ ಹೌದು. ಮನೆಯೆಂದರೆ ಕೇವಲ ಗಂಡ–ಹೆಂಡತಿಯಲ್ಲ; ಅಜ್ಜಿ–ಅಜ್ಜ, ಅಪ್ಪ–ಅಮ್ಮ–ಮಕ್ಕಳಿಂದ ಕೂಡಿದ ಬಂಧ ಎಂಬುದನ್ನು ಅವರಿಗೆ ಮನವರಿಕೆ ಮಾಡಿಕೊಡಬೇಕು. ಈ ಬಗ್ಗೆ ನಾವೇ ಹಿಮ್ಮೆಟ್ಟಿದರೆ ಮಕ್ಕಳಿಗೆ ಕಲಿಸುವವರಾರು? ಮನೆಯೆಂದರೆ ನೀರು, ನೆರಳು, ಹಣ್ಣುಗಳನ್ನೊದಗಿಸುವ ಒಂದು ಸುಂದರ ಮರವೇ ಹೌದಲ್ಲ, ಅಲ್ಲಿ ಹಳೆಯಬೇರುಗಳು, […]

ಅದೊಂದು ಪ್ರಶಾಂತವಾದ ತಾಣ. ಆ ಊರು ವಿಶ್ರಾಂತ ಜೀವನ ನಡೆಸುವವರಿಗೆ ಸ್ವರ್ಗವೆಂದೇ ಖ್ಯಾತಿಗೊಳಪಟ್ಟಿತ್ತು. ಅಲ್ಲಿ ಜೀವಿಸುತ್ತಿದ್ದ ಬಹುಪಾಲು ಜನ ನಿವೃತ್ತಿ ಹೊಂದಿ ವಿಶ್ರಾಂತ ಜೀವನ ನಡೆಸುವವರೇ ಆಗಿದ್ದರು. ಒಬ್ಬ ನಿವೃತ್ತಿ ಹೊಂದಿದ ಶಾಲಾ ಶಿಕ್ಷಕ ಮತ್ತು ನಿವೃತ್ತಿಯಾದ ಉದಾರಿಯೊಬ್ಬ ಅಕ್ಕಪಕ್ಕದ ಮನೆಯಲ್ಲಿ ವಾಸಿಸುತ್ತಿದ್ದರು. ಸಮಯ ಕಳೆಯಲು ಅವರು ವ್ಯಾಯಾಮ, ವಾಯುವಿಹಾರ, ಬಿಡುವಿನ ವೇಳೆಯಲ್ಲಿ ತಮ್ಮ ವರಾಂಡದಲ್ಲಿ ಕುಳಿತು ಓದುವುದು, ಉಳಿದ ಸಮಯದಲ್ಲಿ ಕೈತೋಟ ಮಾಡುವುದು ದಿನಚರಿಯನ್ನಾಗಿಸಿಕೊಂಡಿದ್ದರು. ಅವರಿಬ್ಬರೂ ತಮ್ಮ ತಮ್ಮ ತೋಟದಲ್ಲಿ ಕೆಲವು ಗಿಡಗಳನ್ನು ನೆಟ್ಟು ಆರೈಕೆ […]

ಚೊಂಬುಗಳು ಒಂದೆಡೆ ಸಮೃದ್ಧಿಯ ಸಂಕೇತವಾದರೆ, ಇತ್ತೀಚಿನ ಚಿತ್ರಗೀತೆಗಳಲ್ಲಿ ‘ಚಂಬೋ ಚಂಬೋ ಖಾಲಿ ಚಂಬೋ, ನನ್ನ ತಲೆ ಎಮ್‌ಟಿ ಚಂಬೋ…’ ಎಂಬ ಉಪೇಂದ್ರರ ಸೂಪರ್ ರಂಗಾದ ಸಾಲುಗಳು, ‘ಸ್ನಾನಕೆ ನಿಂತ್ರೆ ಚೊಂಬಿಗೆ ಟ್ಯಾಕ್ಸು…’ ಎಂಬ ಜಿಎಸ್‌ಟಿ ಬಗೆಗಿನ ಭಟ್ಟರ ವ್ಯಂಗ್ಯ, ‘ಮಂಜುನಾಥನ ನಂಬು… ಅದರ್ ವೈಸ್ ಕೈಗೆ ಚೊಂಬು ಚೊಂಬು…’ ಎಂಬ ಕಾಸರಗೋಡಿನ ಶಾಲೆಯ ಗೀತೆಗಳಲ್ಲಿ ಚೊಂಬು ಅವನತಿಯ ಸಂಕೇತವಾಗಿಯೂ ಇಂದಿನ ವ್ಯವಸ್ಥೆಯ ವ್ಯಂಗ್ಯವಾಗಿಯೂ ಬಿಂಬಿತವಾಗಿರುವುದು. ಶಿಲಾಯುಗದ ಜನರು ತಮ್ಮ ಆಯುಧ ಉಪಕರಣಗಳನ್ನು ಕಲ್ಲು, ಮೂಳೆ, ಮರ, ಕೊಂಬಿನಂತಹ […]

“ಮಾತೃಶ್ರೀ ರಮಾಬಾಯಿ ಪತಿ ಬಾಬಾಸಾಹೇಬರ ಆಜ್ಞೆಯಂತೆ, ೧೯೩೧ರಲ್ಲಿ ಧಾರವಾಡಕ್ಕೆ ಬರುತ್ತಾರೆ. ಡಿಪ್ರೆಸ್ಡ್ ಕ್ಲಾಸಸ್ ಸ್ಟುಡೆಂಟ್ಸ್ ವಸತಿ ನಿಲಯ ಆಗ್ಗೆ ತುಂಬ ಅಧೋಗತಿಗೆ ಇಳಿದಿರುತ್ತದೆ. ತಮ್ಮ ಮೈಮೇಲಿದ್ದ ಎಲ್ಲ ಬಂಗಾರದ ಒಡವೆಗಳನ್ನು ಮಾರಿ, ಅಲ್ಲಿನ ಮಕ್ಕಳಿಗಾಗಿ ಸುಸ್ಥಿತಿಯ ಕಟ್ಟಡ ಮತ್ತು ಊಟೋಪಚಾರಕ್ಕೆ ರೇಷನ್ ವ್ಯವಸ್ಥೆ ಮಾಡುತ್ತಾರೆ. ಸ್ವತಃ ಅಡುಗೆ ಮಾಡಿ ಹಸಿದ ಮಕ್ಕಳಿಗೆ ತುತ್ತು ಅನ್ನ ಬಡಿಸುತ್ತಾರೆ. ಕೈ ತುತ್ತು ನೀಡಿ, ಮನೋಬಲ ಕಾಯುತ್ತಾರೆ.” ತಳ ಸಮುದಾಯ ಮತ್ತು ಹಿಂದುಳಿದ ಸಮಾಜದ ಹೋರಾಟಗಳಿಗೆ ಧಾರವಾಡ ಇಂಬು ನೀಡಿದ್ದು ಅಷ್ಟಕ್ಕಷ್ಟೇ. […]

ಅಳುತ ಕೇಳಿತು ಬಿದಿರು ಬೊಮ್ಮಗೆ ನೆಳಲು ಕೊಡದೆಲೆ ಫಲವ ಬಿಡದೆಲೆ ಬೆಳೆದು ಸಾಧಿಪೆನೇನು ದೇವನೆಯೆನುತ ಕೈ ಮುಗಿದು ಗಳಿಸುವೆಯೊ ಹಲವಾರು ಭಾಗ್ಯವ ಬೆಳೆದು ನೋಡೈ ಛಲದಿಯೆಂಬಾ ಜಲಜ ಸಂಭವ ನುಡಿಯ ಕೇಳುತ ಬೆಳೆಯಿತಾ ಬಿದಿರು ಕಳಲೆಯಾಯಿತು ಬಾಲ್ಯದಲಿ ಮಂ ಗಳದ ಮೊರವದು ಬಾಗಿನದಿ ತಾ ಬಳಕೆಯಾಯಿತು ತೊಟ್ಟಿಲಲು ಕೊನೆಗಾಲ ಪಯಣದಲು ಎಳೆಯ ಕೃಷ್ಣನ ಹೊಳೆಯ ದಾಟಿಸಿ ಕಳಿಪ ತಂದೆಗೆ ನೆರವ ನೀಡಿತು ಕೊಳಲೆ ತಾನಾಗುತಲಿ ಮೆರೆಯಿತು ಹರಿಯ ಕರದೊಳಗೆ