ವಿಂಧ್ಯದ ತಪ್ಪಲಲ್ಲಿ ಇರುವಂತಹ ನಿರ್ಜನ ಪ್ರದೇಶ. ಕಣ್ಣುಮುಚ್ಚಿಕೊಂಡು ಮೊದಲಮಳೆಗೆ ತೋಯ್ದ ಇಳೆಯ ಮಣ್ಣಿನ ಸುಗಂಧವನ್ನು ಆಸ್ವಾದಿಸುತ್ತಿದ್ದಾಳೆ ಲೇಖಾ. ಮೊತ್ತಮೊದಲ ಬಾರಿಗೆ ಈ ರೀತಿಯಾಗಿ ಒಬ್ಬಳೇ ಎಲ್ಲೋ ಬಂದಿರುವುದು. ಮನಸ್ಸಿನಲ್ಲಿ ತುಸು ದುಗುಡವಿದ್ದರೂ, ಏನೋ ಒಂದು ಥರಾ ನಿರುಮ್ಮಳ. ಎಲ್ಲವನ್ನೂ, ಎಲ್ಲರನ್ನೂ ಬಿಟ್ಟು ನದಿಯಾಗಿ ಹರಿದುಹೋಗುವ ಅದಮ್ಯ ಬಯಕೆ. ಆದರೆ ಆಗುತ್ತಿಲ್ಲ. ಏನೋ ಕಳವಳ. ಏನೋ ಗೊಂದಲ. ತನ್ನದಲ್ಲದ ತಪ್ಪಿಗೆ ತಾನು ಬಲಿಯಾಗುತ್ತಿರುವುದರ ಬಗ್ಗೆ ಅತೀವ ವಿಷಾದ. ಎಲ್ಲೋ ಮೆದುಳಿನಲ್ಲಿ ಏಳುವ ಅಲೆಗಳು ಮೈತುಂಬಾ ಹರಿದಾಡಿ, ಕೊನೆಗೆ ಫಕ್ಕೆಂದು ಹೃದಯವನ್ನು […]

’ಗೆಳೆತನವೆಂಬುದು ವರವಂತೆ ಗೆಳತಿ, ಜೀವಮಾನದ ತುಂಬೆಲ್ಲ ಬೆಳಗುವ ಪ್ರಣತಿ.’ ಎಷ್ಟು ಬ್ಯುಸಿಯಾಗಿ ಬಿಡುತ್ತೇವೆ ಈ ಬದುಕಿನೊಳಗೆ? ಒಬ್ಬರಿಗೊಬ್ಬರು ಮಾತನಾಡದಷ್ಟು, ಒಬ್ಬರನ್ನೊಬ್ಬರು ನೋಡದಷ್ಟು. ಜೊತೆಗಿದ್ದಾಗ ಕಳೆದ ಕ್ಷಣಗಳ ಮೆಲಕುಹಾಕಲೂ ಪುರುಸೊತ್ತು ಇಲ್ಲದಂತೆ ಕ್ಷಣಗಳು ದೌಡಾಯಿಸುತ್ತಿವೆ. ಛೆ! ಇದಕ್ಕೆ ಸಾಯುವುದೊಂದೇ ಪರಿಹಾರವೆನ್ನುವಷ್ಟು ಸಂಕಟ ಉಂಟಾದಾಗ, ಆವತ್ತು ಇನ್ನಿಲ್ಲದ ಬಿಡುವು ನಮಗೆ. ಅಯ್ಯೋ ಎಲ್ಲರೂ ಒಮ್ಮೆಲೆ ಮನಸ್ಸಿನೊಳಗೆ ಧಾವಿಸುತ್ತಾರೆ. ಎಲ್ಲಿಗಾದರೂ ಹೋಗಬೇಕು ಎನಿಸುತ್ತದೆ. ಹೊರಟರೆ ದಾರಿಯುದ್ದಕ್ಕೂ ನೆನಪುಗಳ ಸರಮಾಲೆ. ಪಕ್ಕದಲ್ಲಿ ಬಂದು ಕುಳಿತ ಹೆಂಗಸು ನಮ್ಮ ಪರಿಚಯದವರೇ ಆಗಿರಬಹುದು. ಆದರೆ ನಾವು […]

ಮನುಷ್ಯನ ಬಾಳಿಗೊಂದು ಧ್ಯೇಯ ಇರಬೇಕು. ಗುರಿಯಿಲ್ಲದ ಬದುಕು ಚುಕ್ಕಾಣಿಯಿಲ್ಲದ ನಾವೆಯಂತೆ. ಪ್ರವಾಹದಲ್ಲಿ ಕೊಚ್ಚಿಹೋಗುವ ತರಗೆಲೆಯಂತೆ. ನದಿಗೆ ತನ್ನ ಮೂಲಸೆಲೆಯಾದ ಸಮುದ್ರವನ್ನು ಸೇರುವುದೇ ಗುರಿ. ಅದೇ ನದಿಯಲ್ಲಿ ತೇಲಿಹೋಗುವ ಯಾವ ವಸ್ತುವಿಗೂ ಗುರಿ ಎಂಬುದಿಲ್ಲ. ನದಿ ತನ್ನನ್ನು ಎಲ್ಲಿಗೆ ಕರೆದೊಯ್ಯುತ್ತದೆಯೋ ಅಲ್ಲಿಗೆ ಹೋಗುತ್ತದೆಯೇ ವಿನಾ, ತಾನು ಬಯಸಿದ ಗುರಿಯನ್ನು ಸೇರುವುದಿಲ್ಲ. ಆದ್ದರಿಂದ ನಮ್ಮ ಗುರಿ ಯಾವುದು, ಗುರಿ ಸೇರಲು ದಾರಿ ಯಾವುದು ಎಂಬುದನ್ನು ಮೊದಲು ನಿಶ್ಚಯಿಸಬೇಕು. ಗುರಿ ಸೇರುವ ಪ್ರಯತ್ನವನ್ನು ಸಾಧನೆ ಎನ್ನುತ್ತಾರೆ. ಗುರಿಯಿಲ್ಲದ ಪ್ರಯತ್ನವನ್ನು, ಕೃತ್ಯವನ್ನು ಸಾಧನೆ […]

೧ ಎಳೆವಯಸಿನಿಂದ ಇಹುದೊಂದು ಆಸೆ ಒಳಮನದ ಆಸೆ ತಾಲಾತಲದ ಆಸೆ ಸೂರ್ಯ ಶಿಖರ ಮುಟ್ಟುವಾಸೆ ಗುಡಿ ಗೋಪುರ ಪೂರಾ ನೋಡುವಂಥ ಒತ್ತಡದಾಸೆ ಕಲ್ಲುಕಲ್ಲು ಮುಟ್ಟುವಾಸೆ ಶಿಖರಗಾಳಿ ಸವಿಯುವಾಸೆ ಶಿಖರ ಸುತ್ತ ಸುಳಿಯುವಾಸೆ ಶಿಲೆಶಿಲೆಯ ತಟ್ಟುವಾಸೆ ಆಸೆ ಮನಸಿನಿಂದ ಬೆಳೆಯುತ್ತಾ ಬಂದ ಒಳಗಿನೊಳಗಿನಾಸೆ\                             *    *  *    * ಎನಿತೆನಿತೋ ಎತ್ತರ ಸುತ್ತ ನೀಲ ನೀಲಾಂಬರ […]

ಸ್ತ್ರೀವಾದದ ಅಹಂ ಅಸ್ಮಿತೆಗಳನ್ನೆಲ್ಲ ಒಂದು ಕ್ಷಣ ಬದಿಗಿಟ್ಟು ಯೋಚಿಸೋಣ. ಹುಟ್ಟಿದ ಹಬ್ಬಕ್ಕೆಂದು ಸಂಗಾತಿ ಕೊಡಿಸುವ ತಿಳಿನೀಲಿ ಬಣ್ಣದ ಸೀರೆ, ಮದುವೆಯ ವಾರ್ಷಿಕೋತ್ಸವದ ನೆನಪಲ್ಲಿ ಅನಿರೀಕ್ಷಿತವಾಗಿ ಕೊಡಿಸಿದ ಮುದ್ದಾದ ಉಂಗುರ, ಮತ್ತೆಂದೋ ಹಾಗೇ ಸುಮ್ಮನೆ ತಂದ ಇಷ್ಟದ ಉಡುಪು… ಇವೆಲ್ಲವುಗಳ ಮೇಲೆ ಮೋಹವಿಲ್ಲದ ಹೆಣ್ಣಿದ್ದಾಳೆಯೇ? ಅವಳು ಎಷ್ಟು ಸಂಪಾದಿಸುವವಳಾಗಿರಲಿ, ಆರ್ಥಿಕ ಸ್ವಾತಂತ್ರ್ಯವಿರಲಿ, ಅವಳು ಕೊಂಡುಕೊಳ್ಳುವ ಯಾವುದೇ ವಸ್ತುವಿಗಿಂತಲೂ ಗಂಡ ಕೊಡಿಸಿದ್ದರ ಮೇಲೆ ಮೋಹ ಜಾಸ್ತಿ. ಅದೇ ಸೀರೆಯನ್ನು ಮತ್ತೆ ಮತ್ತೆ ಬೀರುವಿನಿಂದ ತೆಗೆದು ಅದರ ಮೇಲೆ ಆಪ್ಯಾಯತೆಯಿಂದ ಕೈಯಾಡಿಸುವುದರಲ್ಲೂ […]