ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ
ಪ್ರಕಟಣೆಯ
58ನೇ
ವರ್ಷ

ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ

ನಿರೀಕ್ಷೆ

ಜೀವತಂತಿ ಕಡಿದುಹೋಗುವ ಮುನ್ನ

ಮೋಹಜಾಲಗಳನ್ನೆಲ್ಲ ಒಮ್ಮೆ ಕಳಚಿಟ್ಟು

ನಾನು ನಾನಾಗಿ ಬದುಕಬೇಕಿದೆ ಒಮ್ಮೆ

ಬರುವುದೆ ಆ ಒಂದು ದಿನ?

ಕಣ್ಣ ಜ್ಯೋತಿ ಆರಿಹೋಗುವ ಮುನ್ನ

ನನ್ನ ನಾನೇ ಮರೆತು ಹೋಗುವ ಮುನ್ನ 

ನಾನು ನಾನಾಗಿ ಬೆಳಗಬೇಕಿದೆ ಒಮ್ಮೆ

ದೊರೆವುದೆ ಆ ಒಂದು ದಿನ?

ಮಗಳು, ಮಡದಿ, ಮಾತೆ ಎಂಬ ಹೆಮ್ಮೆ ಇದೆ ನನಗೆ

ಆದರೂ ಆ ಬಿರುದುಗಳ ಕಳಚಿಟ್ಟು 

ನಾನು ನಾನಾಗಿ ಬಾಳಬೇಕೆಂಬ ಆಸೆ 

ಒದಗಿಬರುವುದೇ ಆ ಒಂದು ಸುದಿನ!

ಶ್ರಮರಹಿತಳಾಗಿ , ತ್ಯಾಗರಹಿತಳಾಗಿ

ಯಮನಪಾಶ ಬೀಳುವ ಮುನ್ನ, ನನ್ನಾತ್ಮಸಾಕ್ಷಿಯಂತೆ

ನಾನು ನಾನಾಗಿ ಒಂದೇ ಒಂದು ದಿನ

 ನಾ ಬಯಸಿದಂತೆ  ಬದುಕಬೇಕಿದೆ ನನಗೆ

ಬರುವುದೇ ಆ ದಿನ?

ಬಾಳನಾಟಕಕೆ ಪರದೆ ಬೀಳುವ ಮುನ್ನ

ಎಲ್ಲ ಪಾತ್ರಗಳ ಮುಖವಾಡ ಕಳಚಿ

ನಾನು ನಾನಾಗಿ ನನ್ನನ್ನೇ ಮರೆಯುವಂತೆ

ನಿರ್ವಹಿಸಬೇಕಿದೆ ನನ್ನಿಚ್ಛೆಯ ಪಾತ್ರ

ದೊರಕುವುದೇ ಆ ಒಂದು ಅವಕಾಶ?

-ಸವಿತಾ ಮಾಧವ ಶಾಸ್ತ್ರಿಗುಂಡ್ಮಿ

ನಿಮ್ಮ ಪ್ರತಿಕ್ರಿಯೆ ನೀಡಿ

ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ

`ಉತ್ಥಾನ’ : ೧೯೬೫ರಿಂದ ಪ್ರಕಟವಾಗುತ್ತಿರುವ ಕನ್ನಡದ ಹೆಮ್ಮೆಯ ಸದಭಿರುಚಿಯ ಮಾಸಪತ್ರಿಕೆ. ರಾಜ್ಯದಾದ್ಯಂತ ಪ್ರಸರಣ ಇರುವ ಸಂಚಿಕೆಯು ಈಗ ಕ್ರೌನ್‌ ಚತುರ್ದಳ ಆಕಾರದಲ್ಲಿ ೧೧೨ ವರ್ಣಪುಟಗಳಲ್ಲಿ ವೈವಿಧ್ಯಮಯ ಲೇಖನ, ನುಡಿಚಿತ್ರ, ಸಾಹಿತ್ಯದ ಬರಹಗಳನ್ನು ಪ್ರಕಟಿಸುತ್ತಿದೆ.  ಸಂಚಿಕೆಯ ಬೆ ಲೆ ೨೦ ರೂ.

Utthana
Kannada Monthly Magazine ​
Utthana Trust
Keshavashilpa, Kempegowda Nagara
Bengaluru - 560019
Karnataka State , INDIA

Phone : 080-26612732
Email : [email protected]

ಉತ್ಥಾನದ ಹೊಸ ಪ್ರಕಟಣೆಗಳ ಬಗ್ಗೆ ನಿಮ್ಮ ಈಮೈಲ್‌ ಅಂಚೆಪೆಟ್ಟಿಗೆಯಲ್ಲೇ ಮಾಹಿತಿ ಪಡೆಯಿರಿ. ಇದಕ್ಕಾಗಿ ನಮ್ಮ ವಾರ್ತಾಪತ್ರಕ್ಕೆ ಉಚಿತವಾಗಿ ಚಂದಾದಾರರಾಗಿ