ಉತ್ಥಾನ ಅಕ್ಟೋಬರ್ 2024

ನಮ್ಮದಾದ ಒತ್ತಡದಲ್ಲಿ ಮಕ್ಕಳೊಂದಿಗೆ ಜಾಸ್ತಿ ಹೊತ್ತು ಸಮಯ ಕಳೆಯಲಾಗದ ಅಸಹಾಯಕತೆಯ ಪರಿಣಾಮವಾಗಿ ಮೊಬೈಲಿಗೆ ಅಂಟಿಕೊಂಡುಬಿಡುವ ಪರಿ ಎಲ್ಲವೂ ಸೇರಿ ಮಕ್ಕಳಲ್ಲಿಯೂ ತಮ್ಮ ಕುರಿತಾಗಿ ಬದುಕಿನ ಕುರಿತಾಗಿ ರೂಪಗೊಳ್ಳುವ ಕಲ್ಪನೆಗಳು ಕೈಗೆಟಕುವುದಕ್ಕಿಂತ ಭಿನ್ನವೇ ಆಗಿರುತ್ತವೆಯೇನೋ ಅನಿಸುತ್ತದೆ. ನಮ್ಮ ಬಾಲ್ಯದಲ್ಲಿ ನಮಗೆ ದೊರೆಯದೆ ಹೋದುದೆಲ್ಲವನ್ನೂ ನಮ್ಮ ಮಕ್ಕಳಿಗೆ ಒದಗಿಸಬೇಕು ಎಂಬ ತರಾತುರಿಯೂ ಪರ್ಯಾಯವಾಗಿ ಸಣ್ಣಪುಟ್ಟ ಸಂತೋಷಗಳನ್ನು ಅನುಭವಿಸಲಾಗದಂತೆ ನಮ್ಮ ಮಕ್ಕಳನ್ನು ಬದಲಾಯಿಸುತ್ತಿದೆಯೆ? – ಯೋಚಿಸಬೇಕಿದೆ. ಕೆಲವು ವರ್ಷಗಳ ಹಿಂದೆ ನಾವಿದ್ದ ಮನೆಯ ಅರ್ಧ ಕಿಲೋಮೀಟರ್ ದೂರದಲ್ಲಿ ರೈಲುಮಾರ್ಗವಿತ್ತು. ಪುಟ್ಟ ಮಗನಿಗೆ […]

“ಈಗ ಖಿಲಾವೋ ಫಟಾಫಟ್ ಎಂದಾಗಿದೆ. ಚುನಾವಣೆಯ ಘೋಷಣೆ ಆಗುತ್ತಿದ್ದಂತೆಯೆ ‘ಮತದಾರ್ ಕೋ ಖಿಲಾವೋ’; ಚುನಾವಣೆ ಮುಗಿಯುತ್ತಿದ್ದಂತೆಯೇ “ಕೋಯಲಿಷನ್ ಪಾರ್ಟ್ನರ್ ಕೋ ಖಿಲಾವೋ.’ ಹಗರಣಗಳು ತಲೆಯೆತ್ತುತ್ತಿದ್ದಂತೆಯೆ ‘ಕಾನೂನ್ ಮಾರ್ನೇವಾಲೇ ಕೋ ಖಿಲಾವೋ”. ಎಲ್ಲವೂ ಫಟಾಫಟ್ ಆಗುವ ಚಳವಳಿಗಳೇ.’’ ಹೋಟೋಂಪೆ ಸಚ್ಚಾಯೀ ರೆಹತೀ ಹೈ ಜಹಾ ದಿಲ್ ಮೇ ಸಫಾಯೀ ರೆಹತೀ ಹೈ…’’ ಎಫ್‌ಎಂ ರೇಡಿಯೋದಿಂದ ಹಾಡು ಪ್ರಸಾರವಾಗುತ್ತಿತ್ತು. “ಕೊಂಚ ವ್ಯತ್ಯಾಸವಷ್ಟೆ” ಎಂಬ ಮಾತು ಕೇಳಿ, ಧ್ವನಿ ಬಂದತ್ತ ತಿರುಗಿದೆ. ಅದೇ ಬೊಚ್ಚುನಗೆಯ, ಅದೇ ಕನ್ನಡಕದ ಗಾಂಧಿ ನಿಂತಿದ್ದರು. “ಬಾಪೂಜೀ! […]

ಮಕ್ಕಳಿಗೆ ಮನೆಯಲ್ಲಿ ಅಮ್ಮನೇ ಕಲಿಸಬೇಕಾದ ಸಂಸ್ಕಾರ, ಶಿಕ್ಷಣ ಸಾಕಷ್ಟಿದೆ. ಆದರೆ ಶಾಲೆಯಲ್ಲಿ ಕಲಿಸಬೇಕಾಗಿದ್ದನ್ನೂ ಮನೆಯಲ್ಲಿ ಅಮ್ಮನೋ, ಅಪ್ಪನೋ ಕಲಿಸಬೇಕು ಅಂತಾದರೆ ಅಷ್ಟೊಂದು ಫೀಸ್ ಕೊಟ್ಟು ಶಾಲೆಗೆ ಕಳುಹಿಸುವ ಅಗತ್ಯವಾದರೂ ಏನಿದೆ? ಈಗೆಲ್ಲ ಮಕ್ಕಳ ಹೋಂವರ್ಕ್ನ್ನು ಶಾಲೆಯವರು ಮಕ್ಕಳಿಗಾಗಿ ಕೊಡುವುದಿಲ್ಲ. ಬದಲಾಗಿ ಅವರ ಅಮ್ಮಂದಿರಿಗಾಗಿ ಕೊಡುತ್ತಾರೆ. ಮನೆ ಕೆಲಸ, ಆಫೀಸ್ ಕೆಲಸವನ್ನೆಲ್ಲ ಮಾಡಿ, ಮಕ್ಕಳನ್ನು ನೋಡಿಕೊಂಡ ನಂತರವೂ ತಾಯಂದಿರ ತಾಳ್ಮೆ ಎಷ್ಟಿರುತ್ತದೆ ಎನ್ನುವುದರ ಪರೀಕ್ಷೆಗಾಗಿ ಈ ಹೋಂವರ್ಕಗಳು! ೧೯೯೫ರ ಜೂನ್ ತಿಂಗಳು. ಕಳೆದ ವಾರವಷ್ಟೇ ಕೊಂಡಿದ್ದ ಪಾಟೀಚೀಲ, ಉದ್ದದ […]

ಜನರ ಮಾತಿಗೇಕೆ ಬೆಲೆ ಕೊಡುವುದು? ಹೇಗೂ ನಾವೀಗ ಅರಮನೆಯಲ್ಲಿ ಇಲ್ಲ. ಇರುವುದು ಈ ಆಶ್ರಮದಲ್ಲಿ. ವೃದ್ಧ ಗಂಡನಿಗೆ ಕಣ್ಣಾಗಿ, ಅವನ ಶುಷ್ರೂಷೆ ಮಾಡುತ್ತ ದಿನಕಳೆಯುವುದೇ ನನ್ನ ಕಾಯಕ. ಅದರಿಂದಾದರೂ ನಾನು ಮಾಡಿದ ಪಾಪಕ್ಕೆ ಪ್ರಾಯಶ್ಚಿತ್ತವಾಗಲಿ. ಯಾರಿಗೂ ತೊಂದರೆ ಕೊಡಬಾರದು, ಎಲ್ಲರನ್ನೂ ಗೌರವಿಸುತ್ತ, ಕಾಳಜಿ ಮಾಡುತ್ತ ಬದುಕಬೇಕೆಂದು ಪಿತಾಶ್ರೀ, ಮಾತೃಶ್ರೀ ನನಗೆ ಬಾಲ್ಯದಿಂದಲೂ ಕಲಿಸಿದ್ದು ಸಾರ್ಥಕವಾಯಿತು. ಹಾಗೆಯೇ ಬದುಕಲು ತೊಡಗಿದ್ದೆ. ಮದುವೆಯೆಂಬುದು ಒಬ್ಬೊಬ್ಬರಿಗೆ ಒಂದೊಂದು ಭಾವವನ್ನು ತರುತ್ತದೆಯಂತೆ. ಸಂಗಾತಿ ದೊರೆಯುವ ಖುಷಿ, ಕಷ್ಟ ಸುಖ ಸಾಂಗತ್ಯಕ್ಕೆ ಜೊತೆಗಾರರೊಬ್ಬರು ಸಿಗುವ […]

ಈ ಟೈಲ್ಸ್ ಕಾಲ ಬಂತು ನೋಡಿ. ಇಲ್ಲಿಂದ ಗೃಹಿಣಿಯರ ಗೋಳು ಶುರುವಾಗಿದ್ದು. ಗ್ರಾನೈಟು, ಮಾರ್ಬಲ್ಲು, ವಿಟ್ರಿಫೈಡು – ಅದೂ ಇದೂ ಎಂದು ಬಹುಆಯ್ಕೆಗಳು ಕಣ್ಣಮುಂದಿವೆ. ಇವುಗಳನ್ನು ಆಯ್ಕೆ ಮಾಡುವುದೂ, ನಮ್ಮ ಹೆಣ್ಣುಮಕ್ಕಳು ಸೀರೆ ಆಯ್ಕೆ ಮಾಡುವುದೂ, ಎರಡೂ ಹೆಚ್ಚುಕಡಮೆ ಒಂದೇ. ಆದರೆ ಇವುಗಳ ನಿರ್ವಹಣೆ ಮಾತ್ರ ಒಂದು ರೀತಿ ದೊಡ್ಡದೊಡ್ಡ ಬೆಂಜ್, ಫಾರ್ಚೂನರ್, ಆಡಿಗಾಡಿಗಳಂತೆ. ಒಂದಿಷ್ಟು ಗಾಢ ಅಥವಾ ಡಲ್ ಬಣ್ಣದ ಡಿಸೈನ್‌ಗಳಿರುವ ಟೈಲ್ಸ್ ಹಾಕಿಕೊಂಡವರು ಚೂರು ಜಾಣರು ಅಂದುಕೊಳ್ಳಬಹುದು. ಅದರಲ್ಲೂ ಕೆಲವರು ಮೊದಲೇ ತಲೆ ಓಡಿಸಿ, […]

ಲಕ್ಷಾಂತರ ಬೀಜಗಳನ್ನು ಪ್ರಸಾರ ಮಾಡಿ ‘ನಿಸರ್ಗದ ತೋಟಿಗ’ ಎನಿಸಿದ, ಲಕ್ಷಾಂತರ ಸೊಳ್ಳೆ, ಕ್ರಿಮಿಕೀಟಗಳನ್ನು ಭಕ್ಷಿಸಿ, ರೈತರಿಗೆ ಫಸಲಿಗೆ ಬೆನ್ನೆಲುಬಾಗಿ ಆರ್ಥಿಕ ಲಾಭ ತಂದುಕೊಡುವ ‘ವನಸುಮ’ವಾಗಿ ಲಕ್ಷಾಂತರ ವರ್ಷಗಳಿಂದ ವಿಕಸಿಸಿದ ಜೀವಿ – ‘ಬಾವಲಿ’. ತುಂಬ ಸಂಕೋಚ ಮತ್ತು ನಾಚಿಕೆಯ ಸ್ವಭಾವದ್ದು. ಅದು ಮನುಷ್ಯರ ಕಣ್ಣಿಗೆ ಬೀಳುವುದೇ ಬಲು ಅಪರೂಪ. ನಾವೂ ಕೂಡ ಅವುಗಳ ಇರುವಿಕೆ ಗ್ರಹಿಸಿದ್ದು ಅಷ್ಟಕ್ಕಷ್ಟೇ! ಅಭ್ಯಸಿಸಿದ್ದು ಕೂಡ, ಬಹುತೇಕ ಇಲ್ಲವೇ ಇಲ್ಲ ಎನ್ನುವ ಪ್ರಮಾಣದಲ್ಲಿ. ತೊಗಲ ಬಾವಲಿ! ಸ್ಥಳೀಯ ಭಾಷೆಯಲ್ಲಿ ಕಪಟ! ರೆಕ್ಕೆ ಮತ್ತು […]

ಬಿಸಿಲುಗುದುರೆ ಏರಿ ಹೊರಟ ಮರುಳ ಕಿಂಕರ ಯಾವ ಊರು ಸೇರಬಹುದು? ಯಾರಿಗೋಸ್ಕರ! ನೆರಳ ಹಿಡಿದು ಮೂಲವನ್ನು ಪಡೆಯಲಾಗದು ಬಾಯಾರಲು ಮರೀಚಿಕೆಯ ಕುಡಿಯಲಾಗದು! ನಿಜದ ನದಿ ಹರಿಯುತಿಹುದು ಮುಂದೆ ತಗ್ಗಲಿ ಬಾಯಾರಿದ ಪಥಿಕರೆಲ್ಲ ಕುಡಿದು ಹಿಗ್ಗಲಿ! ಹಕ್ಕಿ ಹಾಡಿ ಕರೆಯುತಿದೆ ಸುಧೆಯ ಕುಡಿಯಿರಿ ಮರುಧರೆಯಲಿ ಮರುಳಾಗದೆ ಮುಂದೆ ನಡೆಯಿರಿ