ನನ್ನ ಮತ್ತು ದಶಾರ್ಣ ಭೂಪತಿಯ ಮಗಳ ವಿವಾಹವೇನೋ ಸಾಂಗವಾಗಿ ನಡೆಯಿತು. ಇಬ್ಬರೂ ಭರತಖಂಡದ ಸುಪ್ರಸಿದ್ಧ ಬಲಾಢ್ಯ ರಾಜರು. ಅವರ ಮಕ್ಕಳ ವಿವಾಹವೆಂದರೆ ಕೇಳಬೇಕೆ? ವೈಭವದ ಉತ್ತುಂಗವೇ ಅದು. ರಾಜಧಾನಿ ಜನಸಮ್ಮರ್ದದಿಂದ ತುಳುಕುತ್ತಿತ್ತು. ಎಲ್ಲೆಡೆಯೂ ಅಲಂಕಾರ, ಸಂಭ್ರಮ, ಸಡಗರ. ಪ್ರತಿಯೊಬ್ಬನೂ ಸಂತೋಷದ ಕಡಲಲ್ಲಿ ತೇಲುತ್ತಿದ್ದ ಹಾಗಿತ್ತು. ಎಲ್ಲರಿಗೂ ಹಿಗ್ಗು. ನಾನು ಮಾತ್ರ ಒಳಗೊಳಗೇ ಕುಗ್ಗಿಹೋಗುತ್ತಿದ್ದೆ. ನನ್ನ ನವವಧು ಪಾಣಿಸ್ಪರ್ಶ ಸಂದರ್ಭದಲ್ಲಿ ಪುಳಕಿತಳಾದುದು ನನ್ನ ಅರಿವಿಗೆ ಬಂದಿತ್ತು. ನನ್ನ ಮೈಯಲ್ಲೂ ನಡುಕವಿತ್ತು. ಅದು ಹೊಸ ಅನುಭವದ ರೋಮಾಂಚನದಿಂದಲ್ಲ; ಮುಂದೇನಾಗುವುದೋ ಎಂಬ […]

ಊರದೇವರ ಮುಂದೆ ಉರುಳು ಸೇವೆಯ ಮಾಡಿ ಉಸಿರು ನೀಡಿದ ಹೆತ್ತೊಡಲ ಮರೆತು ಬದುಕುತಲಿಹೆವು… ಮದ್ದು ಹುಡುಕುತಲಿ ಹತ್ತೂರ ಔಷಧಿಯ ನುಂಗಿ ಹಿತ್ತಲ ಗಿಡವನು ಕಿತ್ತೊಗೆದು ಬದುಕುತಲಿಹೆವು…. ಊರ ದಾರಿಯ ತುಂಬ ಬೀದಿ ದೀಪವನುರಿಸಿ ಮನೆಯ ಬಾಗಿಲ ಹಾಕಿ ಕತ್ತಲೆಯಲಿ ಬದುಕುತಲಿಹೆವು…. ಪಂಡಿತನು ನಾನೆಂದು ಪುಸ್ತಕವ ತೆರೆದೋದಿ ಅಹಂಕಾರದ ಆಸ್ತಿ ಗಳಿಸಿ ಬದುಕುತಲಿಹೆವು…. ದೈವ ಭಕ್ತನು ಎಂದು ಹರಕೆ, ಕಾಣಿಕೆ ಹಾಕಿ ಮನೆ ಬಾಗಿಲಲಿ ನಿಂತ ಜಂಗಮಗೆ ಬೈದು ಬದುಕುತಲಿಹೆವು….

ಇಂದು ಕಾರಜ್ಜನ ಮುಂದೆ ಹೊಲಿಯಲಿಕ್ಕೆ ನಾಕಾರು ಹೊಸ ಮೆಟ್ಟುಗಳಿಗೆ ಬೇಕಾದ ಸಾಮಗ್ರಿಗಳು ಇದ್ದರೂ, ಒಂದಿಬ್ಬರು ತಮ್ಮ ಕಿತ್ತೋದ ಚಪ್ಪಲಿಗಳನ್ನು ರಿಪೇರಿಗೆಂದು ಅದಾಗಲೆ ತಂದುಬಿಟ್ಟಿದ್ದರೂ ಕಾರಜ್ಜನ ಕೈ ಎಂದಿನಂತೆ ಅಷ್ಟು ವೇಗವಾಗಿ ಓಡುತ್ತಿರಲಿಲ್ಲ. ಅವನ ತಲೆಯಲ್ಲಿ ಆತಂಕದ ಬೇನೆಯೊಂದು ಹೊಕ್ಕಿದ್ದು ತನ್ನ ಜಂಘಾಬಲವನ್ನೆ ನಡುಗಿಸಿಹಾಕಿತ್ತು. ಹೆಬ್ಬಂಡೆಯಂತೆ ಕಾರಜ್ಜ ನಿಶ್ಚಲವಾಗಿ ಕೂತಿದ್ದ. ಕಾರಜ್ಜ ತನಗೆ ಗೊತ್ತಿದ್ದಂತೆ ತನ್ನ ಅಪ್ಪ ಬಸಜ್ಜನ ಕಾಲದಿಂದಲೂ ಇದೇ ಜಾಗದಲ್ಲಿ ನೆಲೆ ಊರಿದ್ದು, ಬಾಲ್ಯದಿಂದಲೂ ಇದೇ ಕಾಯಕ ಮಾಡಿಕೊಂಡು ಬಂದಿದ್ದ. ಸ್ಕೂಲ್ ಮೆಟ್ಟಿಲು ಹತ್ತದ ಕಾರಜ್ಜ […]

ಮಗಳ ಮದುವ್ಯಾಗ ಕೊಡಾಕs ಬೇಕಂತ ಅಪ್ಪ ಮಾಡಿಸಾಕ ಹತ್ತಿದ್ದ ಕುಸುರಿಯ ಕರಿಮರದ ಮಂಚ.. ಗಟ್ಟುಳ್ಳ ಮಂಚಾಗಬೇಕು ಎರಡು ಮಕ್ಕಳಾದ್ರೂ ಮಲಗಿಸಿ ಮಕ್ಕೋಳ್ಳಾಕ ಬೇಕು ಅಂತ ತಲಿ ತಿಂದಿದ್ದ ಕೊಂಚ ಕಿಟಕಿಯಾಗs ಇಣುಕಿ ನೋಡಿದ ಮಗಳ ಮೊಗದಾಗ ಭರಪೂರ ನಾಚಿಕೆ ಅಪ್ಪನ ಮೊಗದಾಗ ಮುಗುಳ್ನಗಿ ನೆಂಟರಿಷ್ಟರೆಲ್ಲ ಅಕ್ಕಿಕಾಳ ಹಾಕಿ ಉಂಡು, ಉಟ್ಟು ಹಾಡಿ ಹರಸಿ ಹೋಗೂ ಹೊತ್ತಿನಾಗ ಮೌನದಾಗ ಮಂಚ ಈ ಮನಿಯಿಂದ ಆ ಮನಿಗ ಮಂಚದ ತುಂಬೆಲ್ಲ ಅರಳಿದ ಸುಮ ಅತ್ತರಿನ ಘಮ ಪಿಸುಮಾತು ಹುಸಿಮುನಿಸು ರನ್ನ […]