ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ
ಪ್ರಕಟಣೆಯ
57ನೇ
ವರ್ಷ

ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ

ದೀಪ್ತಿ

ಅರ್ಥಾ ವೈ ವಾಚಿ ನಿಯತಾಃ ವಾಙ್ಮೂಲಾಃ ವಾಚಿ ಮಿಶ್ರಿತಾಃ |

ಯೋ ವೈ ತಾಂ ಸ್ತೇಯಯೇದ್ವಾಚಂ ಸ ಸರ್ವಸ್ತೇಯಕೃನ್ನರಃ ||

– ನಾರದಸ್ಮೃತಿ

“ಮಾತಿನಲ್ಲಿ ಅರ್ಥ ಅಡಗಿರುತ್ತದೆ. ಅರ್ಥಕ್ಕೆ ಮೂಲವು ಮಾತೇ. ಹೀಗೆ ಅರ್ಥವು ಮಾತಿನೊಡನೆ ಬೆರೆತಿರುತ್ತದೆ. ಯಾರು ಮಾತನ್ನು ಅಗ್ಗ ಮಾಡುತ್ತಾನೋ ಅವನು ಎಲ್ಲ ರೀತಿಯ ಕಳ್ಳತನ ಮಾಡಿದಂತೆ ಆಗುತ್ತದೆ.”

ಮಾತು ಎಂಬುದು ಕೇವಲ ನಾಲಗೆಯ ವ್ಯವಹಾರವಲ್ಲ. ಒಂದೊಂದು ಮಾತಿನ ಹಿಂದೆಯೂ ವಿಶಾಲ ಅರ್ಥ ಹುದುಗಿರುತ್ತದೆ. ಹೀಗೆ ಮಾತನ್ನು ಅಪವ್ಯಯ ಮಾಡುವುದು ಕಳ್ಳತನಕ್ಕೆ ಸಮಾನವೆನಿಸುತ್ತದೆ. ಈ ಹಿನ್ನೆಲೆಯಲ್ಲಿಯೆ ನಮ್ಮ ಪರಂಪರೆಯಲ್ಲಿ ವಾಗ್ದಾನವನ್ನು ಯಾರೂ ಮೀರಬಾರದೆಂಬ ಕಟ್ಟಳೆಯಿದೆ.

ಪಂಡಿತ್ ಮೋತಿಲಾಲ್ ನೆಹರು ಆ ದಿನಗಳಲ್ಲಿ ದೇಶದಲ್ಲಿಯೆ ಪ್ರತಿಷ್ಠಿತರಾದ ವಕೀಲರಾಗಿದ್ದರು. ಅಪಾರ ಗಳಿಕೆ ಇತ್ತು. ಹೀಗಾಗಿ ಸಹಾಯಾರ್ಥಿಗಳು ಅವರಲ್ಲಿಗೆ ಆಗಿಂದಾಗ ಬರುತ್ತಿದ್ದರು.

ಒಮ್ಮೆ ಒಬ್ಬ ಬಡ ವ್ಯಕ್ತಿ ಮಗಳ ಮದುವೆಗೆ ಹಣದ ಕೊರತೆ ಇತ್ತೆಂದು ಹೇಳಿ ಮುನ್ನೂರು ರೂಪಾಯಿ ಬೇಡಿದ. ಮೋತಿಲಾಲರು ತಮ್ಮ ಗುಮಾಸ್ತೆಯನ್ನು ಕರೆದು ಆ ದಿನ ಸಂಜೆಯ ವೇಳೆಗೆ ಆಗಿದ್ದ ಗಳಿಕೆಯಷ್ಟನ್ನೂ ಆ ಬಡ ವ್ಯಕ್ತಿಗೆ ಕೊಡುವಂತೆ ಆದೇಶಿಸಿದರು. ಅಂದು ಸಂಜೆಯ ವೇಳೆಗೆ ಆಗಿದ್ದ ಗಳಿಕೆ ಒಂದು ಸಾವಿರದ ಮುನ್ನೂರರಷ್ಟು ಇತ್ತು.

ಗುಮಾಸ್ತೆ ಕೇಳಿದ: “ಯಜಮಾನರೇ ಗಳಿಕೆ ಹೆಚ್ಚೇ ಇದೆ. ಆ ವ್ಯಕ್ತಿ ಕೇಳಿರುವುದು ಮುನ್ನೂರು ರೂಪಾಯಿ ಮಾತ್ರ. ಉಳಿದ ಹಣವನ್ನು ಖಾತೆಗೆ ಜಮೆ ಮಾಡಲೇ?”

ಮೋತಿಲಾಲರು ಕೂಡಲೆ ಉತ್ತರಿಸಿದರು: “ಎಲ್ಲಾದರೂ ಉಂಟೆ! ಇಂದಿನ ಗಳಿಕೆಯಷ್ಟನ್ನೂ ಆ ವ್ಯಕ್ತಿಗೆ ಕೊಡುವೆನೆಂದು ಹೇಳಿದ್ದೇನಲ್ಲ? ನಾನು ಕೊಟ್ಟ ಮಾತನ್ನು ನಾನೇ ಮೀರುವಂತಹ ನೀಚ ಕಾರ್ಯವನ್ನು ನಾನು ಮಾಡಲಾರೆ. ಮಾತು ಪವಿತ್ರವಾದದ್ದು.”

ನಿಮ್ಮ ಪ್ರತಿಕ್ರಿಯೆ ನೀಡಿ

ಉತ್ಥಾನ - ಸದಭಿರುಚಿಯ ಮಾಸಪತ್ರಿಕೆ

`ಉತ್ಥಾನ’ : ೧೯೬೫ರಿಂದ ಪ್ರಕಟವಾಗುತ್ತಿರುವ ಕನ್ನಡದ ಹೆಮ್ಮೆಯ ಸದಭಿರುಚಿಯ ಮಾಸಪತ್ರಿಕೆ. ರಾಜ್ಯದಾದ್ಯಂತ ಪ್ರಸರಣ ಇರುವ ಸಂಚಿಕೆಯು ಈಗ ಕ್ರೌನ್‌ ಚತುರ್ದಳ ಆಕಾರದಲ್ಲಿ ೧೧೨ ವರ್ಣಪುಟಗಳಲ್ಲಿ ವೈವಿಧ್ಯಮಯ ಲೇಖನ, ನುಡಿಚಿತ್ರ, ಸಾಹಿತ್ಯದ ಬರಹಗಳನ್ನು ಪ್ರಕಟಿಸುತ್ತಿದೆ.  ಸಂಚಿಕೆಯ ಬೆ ಲೆ ೨೦ ರೂ.

Utthana
Kannada Monthly Magazine ​
Utthana Trust
Keshavashilpa, Kempegowda Nagara
Bengaluru - 560019
Karnataka State , INDIA

Phone : 080-26612732
Email : utthana1965@gmail.com

ಉತ್ಥಾನದ ಹೊಸ ಪ್ರಕಟಣೆಗಳ ಬಗ್ಗೆ ನಿಮ್ಮ ಈಮೈಲ್‌ ಅಂಚೆಪೆಟ್ಟಿಗೆಯಲ್ಲೇ ಮಾಹಿತಿ ಪಡೆಯಿರಿ. ಇದಕ್ಕಾಗಿ ನಮ್ಮ ವಾರ್ತಾಪತ್ರಕ್ಕೆ ಉಚಿತವಾಗಿ ಚಂದಾದಾರರಾಗಿ