ಶ್ರೀಹರ್ಷ ಪೆರ್ಲ

ಹಲವು ರೀತಿಯ ಕರೆನ್ಸಿಗಳು ಜಗತ್ತಿನಲ್ಲಿ ಚಲಾವಣೆಯಲ್ಲಿವೆ. ಬಹುತೇಕ ರಾಷ್ಟ್ರಗಳು/ಒಕ್ಕೂಟಗಳು ತಮ್ಮದೇ ಕರೆನ್ಸಿ ಹೊಂದಿದ್ದರೆ, ಚಿನ್ನ, ಬೆಳ್ಳಿ ಸೇರಿದಂತೆ ಹಲವು ಬೆಲೆಬಾಳುವ ಪದಾರ್ಥಗಳನ್ನು ಹಣವಾಗಿ ಬಳಸುವುದು, ಸಂಪತ್ತಿನ ಶೇಖರಣೆಗೆ ಬಳಸುವುದೂ ಇದೆ. ಎಲ್ಲಾ ಕರೆನ್ಸಿಗಳೂ ಒಂದಲ್ಲ ಒಂದು ದೇಶದ ನಿಯಂತ್ರಣದಲ್ಲಿವೆ. ಆದರೆ ಯಾರ ನಿಯಂತ್ರಣದಲ್ಲೂ ಇಲ್ಲದ, ನಾಣ್ಯ/ಕಾಗದ/ವಸ್ತುವಿನ ಸ್ವರೂಪದಲ್ಲಿರದೆ ಸಂಕೇತಾಕ್ಷರಗಳ ಡಿಜಿಟಲ್ ಸ್ವರೂಪ ಹೊಂದಿದ ಅದೃಶ್ಯ ಕರೆನ್ಸಿಯೊಂದು ಈಗ ಸದ್ದು ಮಾಡುತ್ತಿದೆ. ಉಳಿದೆಲ್ಲ ತಂತ್ರಜ್ಞಾನಗಳಲ್ಲಿ ಕ್ರಾಂತಿಯಾದಂತೆ ಕರೆನ್ಸಿಕ್ರಾಂತಿಯನ್ನು ತರಲು ಹೊರಟಿರುವ ಇಂಟರ್ನೆಟ್ ದುಡ್ಡು ಈ ಬಿಟ್ ಕಾಯಿನ್. ಚಿನ್ನ, […]

ಸಂಪೂರ್ಣ ಜಗತ್ತು ಶಕ್ತಿಯ ಮೇಲೆ ಅವಲಂಬಿತವಾಗಿದೆ. ನಾವು ಬಳಸುವ ಯಂತ್ರಗಳಿಗೆ, ಬೆಳಕಿನ ಮೂಲಕ್ಕೆ, ಓಡಾಟಕ್ಕೆ ಹಾಗೂ ಮಾಹಿತಿ, ಮನರಂಜನೆಗಳಿಗೆ ಪ್ರಾಕೃತಿಕವಾಗಿ ಸಿಗುವ ಶಕ್ತಿಯನ್ನು ಮಾರ್ಪಡಿಸಿಕೊಂಡು ಬಳಸುತ್ತಿದ್ದೇವೆ. ಪೆಟ್ರೋಲಿಯಂ, ಕಲ್ಲಿದ್ದಲು ಮುಂತಾದ ’ಬಳಸಿ ಮುಗಿಯುವ’ ಅಥವಾ ’ನವೀಕರಿಸಲಾಗದ’ ಇಂಧನಗಳು ಒಂದೆಡೆಯಾದರೆ, ಜಲಪಾತಗಳಿಂದ, ಗಾಳಿಯಿಂದ, ಸೂರ್ಯನ ಬೆಳಕಿನಿಂದ ಪಡೆಯುವ ’ಬಳಸಿದರೂ ನ?ವಾಗದ’ ಅಥವಾ ’ನವೀಕರಿಸಲಾಗುವ’ ಇಂಧನಗಳು ಇನ್ನೊಂದು ಬಗೆ. ನವೀಕರಿಸಲಾಗುವ ಮೂಲಗಳಿಂದ ಉತ್ಪಾದನಾ ವೆಚ್ಚ ಜಾಸ್ತಿ ಎನ್ನುವ ಕಾರಣಕ್ಕೆ ಅವುಗಳ ಬಳಕೆ ಇನ್ನೂ ಕಡಮೆ. ವಾಹನಗಳಿಗೆ ಪೆಟ್ರೋಲ್/ಡೀಸೆಲ್; ರೈಲ್ವೇ ಮತ್ತು […]

    ಹಾರುವ ತಟ್ಟೆಗಳು ಅಥವಾ ವಸ್ತುಗಳ ಬಗ್ಗೆ ವದಂತಿಗಳು, ಅಂತೆಕಂತೆಗಳು – ಎಲ್ಲವನ್ನೂ ಹಲವು ಬಾರಿ ಕೇಳಿದ್ದೇವೆ. ಅತೀಂದ್ರಿಯವಾದ ಅಂತಹವುಗಳನ್ನು ನಂಬುತ್ತೇವೋ ಇಲ್ಲವೋ ಎಂಬುದು ಬೇರೆ ವಿಷಯ; ಆದರೆ ವೈಜ್ಞಾನಿಕವಾದ ಅಂತಹ ಯಂತ್ರಗಳು ಈಗಾಗಲೇ ಹಲವು ರೀತಿಗಳಲ್ಲಿ ಬಳಕೆಗೆ ಬಂದಿವೆ. ಮಾನವನನ್ನು ಹೊತ್ತೊಯ್ಯುವ ವಿಮಾನಗಳೂ ಹೆಲಿಕಾಪ್ಟರ್‌ಗಳೂ ಅತ್ಯಂತ ದುಬಾರಿಯ ವಸ್ತುಗಳು. ಸಾಮಾನ್ಯರ ಕೈಗೆ ಅವು ಗಗನಕುಸುಮಗಳೇ. ಆದರೆ ಇದೀಗ ರಿಮೋಟ್ ಮೂಲಕ ನಿಯಂತ್ರಿಸಬಹುದಾದ ’ಡ್ರೋನ್’ಗಳು ತಮ್ಮ ಹೆಜ್ಜೆ ಗುರುತನ್ನು ಎಲ್ಲೆಡೆ ಮೂಡಿಸಲಾರಂಭಿಸಿವೆ. ತನ್ನಿಂದತಾನೇ ಹಾರಾಡುವ ’ಡ್ರೋನ್’ಗಳು […]

ತಂತ್ರಜ್ಞಾನವನ್ನೇ ತೊಡುವ ಸಮಯ ಬಂದಿದೆ… ನಾವು ಮೈ ಮುಚ್ಚಿಕೊಳ್ಳಲು, ಫ್ಯಾಷನ್‌ಗಾಗಿ ಬಟ್ಟೆಬರೆಗಳನ್ನು ತೊಡುತ್ತೇವೆ. ಅದರ ಜೊತೆ ನಮ್ಮ ಉಪಯೋಗಕ್ಕೆ ಪಾಕೆಟ್‌ಗಳು ಇತ್ಯಾದಿ ಸೇರಿಸಿರುತ್ತೇವೆ. ಪಾದದ ರಕ್ಷಣೆಗೆ ಚಪ್ಪಲಿ, ಅವಶ್ಯ ವಸ್ತುಗಳಿಗೆ ಬ್ಯಾಗ್, ಸಮಯ ನೋಡಲು ವಾಚ್, ತಲೆಗೆ ಟೋಪಿ, ಅಲಂಕಾರಕ್ಕೆ ಸರ- ಬಳೆ-ಉಂಗುರಗಳು, ನಂಬಿಕೆಗೆ ನಾಮ, ಹರಳುಗಳು, ತಾಯತಗಳು ಹೀಗೆ ಏನೇನನ್ನೋ ಧರಿಸುತ್ತೇವೆ. ಈಗ ತಂತ್ರಜ್ಞಾನವನ್ನೇ ಧರಿಸಿಕೊಳ್ಳುವ ಕಾಲ! ಮಾತುಕತೆಗೆ, ಆರೋಗ್ಯಕ್ಕೆ, ಆಟಕ್ಕೆ ಬೇಕಾದ ಆಧುನಿಕ ತಂತ್ರಜ್ಞಾನ ಆಧಾರಿತ ಉಪಕರಣಗಳು ಮೈಯನ್ನೆಲ್ಲಾ ಆವರಿಸಲಿವೆ! ಕೈಗಡಿಯಾರ ಇದನ್ನು ಇನ್ನು […]

ಕಂಪ್ಯೂಟರುಗಳನ್ನು ಒಂದು ಸಂಪರ್ಕಜಾಲದಲ್ಲಿ ಪರಸ್ಪರ ಜೋಡಿಸಿ ಅವುಗಳ ಮಧ್ಯೆ ಮಾಹಿತಿ ಹಾಗೂ ಸಂವಹನ ಸಾಧ್ಯವಾಗುವಂತೆ ಮಾಡಿದ ವ್ಯವಸ್ಥೆಯನ್ನು ಇಂಟರ್ನೆಟ್ ಅಥವಾ ಅಂತರ್ಜಾಲ ಎಂದು ಕರೆಯಲಾಗಿತ್ತು.

ಮುಗಿಯದಿರಲಿ ಚಾರ್ಜು – ಆರದಿರಲಿ ಥಳುಕು ನೀವೆಲ್ಲೇ ಇರಿ, ಈ ಕಾಲದ ತಂತ್ರಜ್ಞಾನಗಳು, ಅದರಲ್ಲೂ ಸ್ಮಾರ್ಟ್‌ಫೋನುಗಳು ನಿಮಗೆ ಹಲವು ರೀತಿಯಲ್ಲಿ ಸಹಕರಿಸುತ್ತಿರುತ್ತವೆ. ಜಗತ್ತಿನ ಜೊತೆ ಇಂಟರ್ನೆಟ್ ಇದೆ, ಅದು ಲಭ್ಯವಿಲ್ಲದಿದ್ದಾಗ ಫೋನ್ ಆಗಿ, ಸಂಪರ್ಕವ್ಯಾಪ್ತಿಯಿಂದ ಹೊರಗಿದ್ದಾಗ ಜಿಪಿಎಸ್ ಮೂಲಕ ನಕ್ಷೆ (map) ನಮಗೆ ದಾರಿ ತೋರಿಸಬಲ್ಲವು. ಫೋಟೋ ತೆಗೆಯಲು,  ಎಫ್.ಎಂ.  ಇದ್ದರೆ ರೇಡಿಯೋ ಕೇಳಲು, ನೋಟ್ ಬರೆದಿಡಲು, ಹಾಡು ಕೇಳಲು, ವಿಡಿಯೋ ನೋಡಲು ಹೀಗೆ ಒಂದಲ್ಲ ಒಂದು ರೀತಿಯಲ್ಲಿ ಮೊಬೈಲು, ಟ್ಯಾಬ್, ಲ್ಯಾಪ್‌ಟಾಪ್ ಮತ್ತಿತರ ಗ್ಯಾಜೆಟ್‌ಗಳನ್ನು ಬಳಸುತ್ತಿರುತ್ತೇವೆ. […]

ಸ್ಮಾರ್ಟ್‌ಫೋನ್ ಬಳಕೆದಾರರ ಸಂಖ್ಯೆ ಹೆಚ್ಚುತ್ತಲೇ ಇದೆ. ಅದರ ಜೊತೆ ಮೊಬೈಲ್ ಆಪ್‌ಗಳ ಸಂಖ್ಯೆ ಕೂಡ ಲೆಕ್ಕವಿಲ್ಲದಷ್ಟು ಬೆಳೆದಿದೆ. ಸುದ್ದಿ ಓದಲು, ಸಂಗೀತ ಕೇಳಲು, ವಿಡಿಯೋ ನೋಡಲು, ಚಾಟ್ ಮಾಡಲು….. ಹೀಗೆ ಹಲವು ಆಪ್‌ಗಳು ನಿಮ್ಮ ಮೊಬೈಲಿನಲ್ಲಿ ತುಂಬಿರುತ್ತವೆ. ಆಪ್‌ಗಳ ರಾಶಿಯಿಂದ ಅಗತ್ಯವಿರುವವುಗಳನ್ನು ಹುಡುಕಿ ಹೆಕ್ಕಿಕೊಳ್ಳುವುದೇ ಒಂದು ಕೆಲಸ. ಕೆಲವನ್ನು ನೀವು ಬೇಕೆಂದಾಗ ಅನುಷ್ಠಾಪಿಸಿಕೊಳ್ಳಬಹುದಾಗಿದ್ದು, ಕೆಲವು ಆಪ್‌ಗಳು ನಿಮ್ಮ ಬಳಿ ರೆಡೀ ಇದ್ದರೆ ಯಾವಾಗಲಾದರೂ ಉಪಯೋಗಕ್ಕೆ ಬರುತ್ತದೆ. ಕೆಲವು ಅಂತಹವುಗಳ ಪರಿಚಯ ಇಲ್ಲಿದೆ.

ಪ್ರಾಚೀನ ಕಾಲದಲ್ಲಿ ಕೊಡು-ಕೊಳ್ಳುವ ವಸ್ತುಗಳಿಗೆ ವಸ್ತುಗಳನ್ನೇ ಬದಲಾಯಿಸುವ, ಕೆಲಸಕ್ಕೆ ಅನ್ನ/ವಸ್ತ್ರ ನೀಡುವ ಮೂಲಕ ಪ್ರಚಲಿತದಲ್ಲಿದ್ದ ದುಡ್ಡು ಅನೇಕ ಸ್ಥಿತ್ಯಂತರಗಳನ್ನು ಕಂಡು ನಾಣ್ಯ, ನೋಟು ಹಾಗೂ ಚೆಕ್‌ಗಳಿಗೆ ಬದಲಾಗಿರುವುದು ಈಗ ಇತಿಹಾಸ. ದಾಪುಗಾಲಿಡುತ್ತಿರುವ ತಂತ್ರಜ್ಞಾನದ ಜೊತೆಯಲ್ಲಿ, ದುಡ್ಡೂ ಸುಮ್ಮನೆ ಕುಳಿತಿಲ್ಲ. ಕಂಪ್ಯೂಟರ್, ಅಂತರ್ಜಾಲ, ಮೊಬೈಲುಗಳನ್ನೆಲ್ಲ ಆವರಿಸಿ ತರಂಗಗಳ ಮೂಲಕ ರವಾನೆಯಾಗುತ್ತದೆ, ಕ್ಷಣಾರ್ಧದಲ್ಲಿ ವಿಶ್ವದ ಇನ್ನೊಂದು ಮೂಲೆ ತಲಪುತ್ತದೆ.