ಡಾ|| ಕೆ. ಜಗದೀಶ ಪೈ

ಮನುಷ್ಯನ ಕ್ರಿಯೆ ಆಲೋಚನೆಯಿಂದ ಬರುತ್ತದೆ. ಆಲೋಚನೆ ಭಾವನೆಯಿಂದ ಹುಟ್ಟುತ್ತದೆ. ಪ್ರತಿಯೊಂದು ಆಲೋಚನೆಯ ಹಿಂದೆಯೂ ಒಂದು ಭಾವನೆ ಇರುತ್ತದೆ. ವಿಷಾದ ಭಾವನೆಯ ಬೀಜಬಿತ್ತಿ ಅಮೃತದ ಫಲವನ್ನು ಎಂದೂ ಪಡೆಯಲು ಸಾಧ್ಯವಿಲ್ಲ. ಜೀವನದಲ್ಲಿ ಸತ್ಫಲಗಳು ಸಿಗಬೇಕಾದರೆ ಸದ್ಭಾವನೆಯ ಬೀಜಗಳನ್ನು ಮನಸ್ಸಿನಲ್ಲಿ ಬಿತ್ತಿಕೊಳ್ಳಬೇಕು. ಬದುಕಿನ ಬಗ್ಗೆ ಹಲವರು ಹಲವು ರೀತಿಯಲ್ಲಿ ಅಭಿಪ್ರಾಯಪಟ್ಟಿದ್ದಾರೆ. ಕೆಲವರಿಗೆ ಬದುಕಿನಲ್ಲಿ ನೋವೇ ಕಂಡುಬಂದರೆ, ಇನ್ನು ಕೆಲವರಿಗೆ ನಲಿವೇ ಕಂಡುಬರುತ್ತದೆ. ಕೆಲವರಿಗೆ ಈ ಬದುಕೊಂದು ಆಕಸ್ಮಿಕವಾಗಿ ಕಂಡುಬಂದರೆ, ಇನ್ನು ಕೆಲವರಿಗೆ ಪೂರ್ವಯೋಜಿತವಾಗಿ ಕಂಡುಬರುತ್ತದೆ. ಕೆಲವರಿಗೆ ವ್ಯರ್ಥವಾಗಿ ಕಂಡುಬಂದರೆ, ಮತ್ತೆ […]

ಮನುಷ್ಯ ಯಾವುದೇ ಸಾಧನೆ ಮಾಡಬೇಕಾದರೂ, ಆತನಲ್ಲಿ ಮೊದಲು ಇರಬೇಕಾದದ್ದು ಧೈರ್ಯ. ’ಧೈರ್ಯಂ ಸರ್ವತ್ರ ಸಾಧನಂ.’ ಧೈರ್ಯ ಇದ್ದರೆ ಎಂತಹ ಸಂಕಟದಿಂದಲೂ ಪಾರಾಗಿ ಬರಬಹುದು. ಧೈರ್ಯವು ಮನುಷ್ಯನ ಎಲ್ಲ ಸದ್ಗುಣಗಳ ರಕ್ಷಾಕವಚವೆನಿಸಿದೆ. ಧೈರ್ಯವಿಲ್ಲದಿದ್ದರೆ ಜೀವನದಲ್ಲಿ ಒಂದು ಹೆಜ್ಜೆಯನ್ನೂ ಮುಂದಿಡಲು ಸಾಧ್ಯವಿಲ್ಲ. ಧೀರನು ಸದಾ ಮುಂದುವರಿಯುತ್ತಾ ಇರುತ್ತಾನೆ. ಹೇಡಿ ಸದಾ ಇದ್ದಲ್ಲೇ ಇರುತ್ತಾನೆ. ಸಾಹಸದ ಕಾರ್ಯ ಮಾಡಲೂ ಧೈರ್ಯ ಬೇಕು. ’ಗಾಳಿ ಮತ್ತು ಸಮುದ್ರದ ಅಲೆಗಳು ಯಾವತ್ತೂ ಧೈರ್ಯವಂತ ನಾವಿಕನ ಪರವಾಗಿರುತ್ತದೆ’ ಎಂಬುದಾಗಿ ಇಂಗ್ಲೆಂಡಿನ ಇತಿಹಾಸಕಾರನಾದ ಎಡ್ವರ್ಡ್ ಗಿಬ್ಬನ್ ಹೇಳಿದ್ದಾನೆ. […]

ಮನುಷ್ಯನ  ಜೀವನದಲ್ಲಿ ಬಾಲ್ಯ, ಯೌವನ, ಪ್ರೌಢ, ವೃದ್ಧಾಪ್ಯ ಎಂದು ನಾಲ್ಕು ಘಟ್ಟಗಳು. ಅವುಗಳಲ್ಲಿ ಯೌವನ ಹಾಗೂ ಪ್ರೌಢಾವಸ್ಥೆ ಸಾಧನೆಗೆ ಬಹಳ ಮುಖ್ಯವಾದವು. ಏಕೆಂದರೆ, ಬಾಲ್ಯದಲ್ಲಿ ಜೀವನದ ಅರ್ಥವೇ ಗೊತ್ತಿರುವುದಿಲ್ಲ. ವೃದ್ಧಾಪ್ಯದಲ್ಲಿ  ಜೀವನದ ಅರ್ಥ ಗೊತ್ತಾದರೂ, ಏನಾದರೂ ಸಾಧಿಸಲು ದೇಹ ಸಹಕರಿಸುವುದಿಲ್ಲ. ಯೌವನ ಹಾಗೂ ಪ್ರೌಢಾವಸ್ಥೆಯಲ್ಲಿ ಯೌವನವೇ ಸಾಧನೆಗೆ ಪ್ರಶಸ್ತವಾದ ಸಮಯ. ಯೌವನದಲ್ಲಿ ಉತ್ಸಾಹ, ಶಕ್ತಿ, ಧೈರ್ಯ, ಸ್ಫೂರ್ತಿ, ಛಲ, ಆರೋಗ್ಯ ಎಲ್ಲವೂ ಇರುತ್ತವೆ. ಕಲ್ಲು ತಿಂದರೂ ಕರಗಿಸಿಕೊಳ್ಳುವ ವಯಸ್ಸದು. ಏನಾದರೂ ಸಾಧಿಸುವುದಾದರೆ ಯೌವನದಲ್ಲೇ ಸಾಧಿಸಬೇಕು. ಯೌವನದಲ್ಲಿ ಸಕಾರಾತ್ಮಕವಾದ […]

ಕರ್ತವ್ಯವನ್ನು ಮಾಡುವುದೆಂದರೆ ಜವಾಬ್ದಾರಿಯನ್ನು ಹೊತ್ತುಕೊಳ್ಳುವುದು. ಯಾವುದೇ ಒಂದು ಕುಟುಂಬ, ಸಂಸ್ಥೆ, ದೇಶ ಯಶಸ್ವಿಯಾಗಬೇಕಾದರೆ ಮನುಷ್ಯ ಮೊದಲು ಜವಾಬ್ದಾರಿಯನ್ನು ಹೊರಲು ತಯಾರಿರಬೇಕು.

ಅನುಭವ ನಮ್ಮನ್ನು ಬೀಳದಂತೆ, ಜಾರದಂತೆ ಎಚ್ಚರಿಸುತ್ತದೆ. ಜೀವನ ಎಂಬುದು ಸಮತಟ್ಟಾದ ಬಯಲಲ್ಲ. ಅದು ಏಳು-ಬೀಳಿನ ಪರ್ವತ-ಪ್ರಪಾತಗಳಿಂದ, ಕಲ್ಲು-ಮುಳ್ಳುಗಳಿಂದ ಕೂಡಿದ ಕಷ್ಟಕರ ದಾರಿಯ ಪಯಣ. ಇಂತಹ ಬಾಳಪಯಣದಲ್ಲಿ ನಾವು ಸದಾ ಜಾಗರೂಕತೆಯಿಂದ ಹೆಜ್ಜೆಯಿಡಬೇಕಾಗುತ್ತದೆ.

ನಾವು ಪರಿಹಾರದ ಭಾಗವೋ, ಅಥವಾ ಸಮಸ್ಯೆಯ ಭಾಗವೋ? – ಎಂಬುದನ್ನು ಮೊದಲು ನಿರ್ಧರಿಸಬೇಕು. ನಾವು ಪರಿಹಾರದ ಭಾಗವಾಗಿದ್ದರೆ ನಮ್ಮೆದುರು ಯಾವ ಸಮಸ್ಯೆಯೂ ಇರುವುದಿಲ್ಲ. ಆದರೆ ನಾವೇ ಸಮಸ್ಯೆಯ ಭಾಗವಾಗಿದ್ದರೆ ನಮಗೆ ಯಾವ ಪರಿಹಾರವೂ ಕಾಣುವುದಿಲ್ಲ…

ಭಾರತೀಯ ಸ್ತ್ರೀ ಅಂದರೆ ಪರ್ಣತೆಯ ಸಂಕೇತ. ಭಕ್ತಿ, ಶಕ್ತಿ, ಶೌರ್ಯ, ಸಾಹಸ, ತ್ಯಾಗ, ಸಹನೆ, ಜ್ಞಾನ ಹೀಗೆ ಜೀವನದ ಎಲ್ಲ ಕ್ಷೇತ್ರಗಳಲ್ಲಿ ಉತ್ತುಂಗಕ್ಕೆ ಏರಿದವಳು ಆಕೆ. ನಮ್ಮ ದೇಶದಲ್ಲಿ ಸ್ತ್ರೀಯರು ಸಾಧನೆ ಮಾಡದ ಯಾವ ಕ್ಷೇತ್ರವೂ ಇಲ್ಲ. ಅದು ರಾಜಕೀಯದಿಂದ ಹಿಡಿದು ಅಧ್ಯಾತ ಕ್ಷೇತ್ರದವರೆಗೂ, ಕ್ರೀಡೆಯಿಂದ ಹಿಡಿದು ವಿಜ್ಞಾನ ಕ್ಷೇತ್ರದವರೆಗೂ ವಿಸ್ತರಿಸಿದೆ…

ತಂದೆ-ತಾಯಿಯರೇ ಶಿವ-ಪಾರ್ವತಿಯರೆಂದು ಗೌರವಿಸುತ್ತಿದ್ದ ಸುಸಂಸ್ಕೃತ ಭಾರತದಲ್ಲಿ ಇಂದು ವೃದ್ಧಾಶ್ರಮಗಳ ಸಂಖ್ಯೆ ಹೆಚ್ಚುತ್ತಿರುವುದು ಒಂದು ವಿಪರ್ಯಾಸ.