ಎಸ್.ಆರ್. ರಾಮಸ್ವಾಮಿ

ಅದು ಹೈದರಾಬಾದಿನ ಡಿಫೆನ್ಸ್ ರಿಸರ್ಚ್ ಏಜೆನ್ಸಿಯ ಕಾರ್ಯಾಲಯ. ನಿರ್ದೇಶಕ ಸುನಿಲ್ ದೇಸಾಯಿ ಅವರ ಕಚೇರಿ ನಿರಾಡಂಬರವಾಗಿದ್ದರೂ ಅಲ್ಲಿ ಯಾವುದೇ ಸೌಕರ್ಯ-ಪರಿಕರಗಳ ಕೊರತೆ ಇರಲಿಲ್ಲ. ವಿಶಾಲವಾದ ಮೇಜಿನ ಹಿಂದೆ ಕುಶನ್-ಕುರ್ಚಿಯಲ್ಲಿ ಸುನಿಲ್ ದೇಸಾಯಿ ಆಸೀನರಾಗಿದ್ದರು. ಎದುರಿನ ಕುರ್ಚಿಗಳಲ್ಲಿ ಇಬ್ಬರು ಭೇಟಿಗಾರರು ಕುಳಿತಿದ್ದರು: ಒಬ್ಬರು ಇಡೀ ದೇಶದಲ್ಲಿಯೆ ಪ್ರತಿಷ್ಠಿತ ಪ್ರೌಢಶಿಕ್ಷಣ ಸಂಸ್ಥೆಯಾದ ದೆಹಲಿ ಐ.ಐ.ಟಿ.ಯ ನಿರ್ದೇಶಕರಾಗಿದ್ದ ಭಾಟಿಯಾ; ಇನ್ನೊಬ್ಬಾತ ಐ.ಐ.ಟಿ. ಯಲ್ಲಿಯೆ ವಿದ್ಯಾರ್ಥಿಯಾಗಿದ್ದ ಮಯಾಂಕ್. ಸುನಿಲ್ ದೇಸಾಯಿಯವರೆದುರಿಗೆ ಮೇಜಿನ ಮೇಲೆ ಒಂದು ರೋಬೋ-ಯಂತ್ರಮಾನವ ಬೊಂಬೆಯನ್ನು ಇರಿಸಲಾಗಿತ್ತು. ಅದು ಹೊರನೋಟಕ್ಕೆ ಮಕ್ಕಳ […]

ಹತ್ತಾರು ವರ್ಷಗಳ ಕಾಲ `ಉತ್ಥಾನ’ದ ಕಲಾವಿದರೂ ವಿನ್ಯಾಸಕರ್ತರೂ ಆಗಿದ್ದ ಕಮಲೇಶ್ ನಿಧನರಾಗಿ ಏಳು ವರ್ಷ ಗತಿಸಿವೆ (2014). ಆದರೆ ಅವರು ಉಳಿಸಿ ಹೋದದ್ದು ಮಾಸದಿರುವ ನೆನಪುಗಳನ್ನು. ಕೆಲವು ವ್ಯಕ್ತಿಗಳ ಪರಿಚಯವನ್ನು ಯಾವುದೋ ಸಂದರ್ಭಗಳಲ್ಲಿ ಮಾಡುವಾಗ ಅವರ ಒಂದೋ ಎರಡೋ ಕಾರ್ಯಕ್ಷೇತ್ರಗಳನ್ನು ಹೆಸರಿಸಲಾಗುತ್ತದೆ. ಇಂತಹ ಪರಿಚಯ ಈ ಸಂದರ್ಭಕ್ಕೆ ಪರ್ಯಾಪ್ತವೆನಿಸಬಹುದು. ಆದರೆ ಅದನ್ನು ಸಮಗ್ರವೆಂದು ಪರಿಗಣಿಸಲಾಗದು. ಸಾಮಾನ್ಯವಾಗಿ ಸರ್ಜನಶೀಲ ವ್ಯಕ್ತಿಗಳ ಅಂತರಂಗದ್ರವ್ಯಕ್ಕೆ ಹಲವಾರು ಆಯಾಮಗಳು ಇರುತ್ತವೆ. ಅಂತಹವರನ್ನು ಅವರ ಪ್ರಧಾನ ಕಾರ್ಯಕ್ಷೇತ್ರವನ್ನು ಲಕ್ಷಿಸಿ ಹಾಗೆ ಅವರ ಪರಿಚಯ ಮಾಡುವುದು […]

ಕಾಶ್ಮೀರವನ್ನು ಭಾರತ ಗಣರಾಜ್ಯದಲ್ಲಿ ಉಳಿಸುವುದಕ್ಕಾಗಿ ಡಾ|| ಶ್ಯಾಮಾಪ್ರಸಾದ ಮುಖರ್ಜಿಯವರ ಬಲಿದಾನವಾದದ್ದರ (23 ಜೂನ್ 1953) 68ನೇ ವರ್ಷ ಇದು (2021). ಯಾವ ಧ್ಯೇಯಕ್ಕಾಗಿ ಡಾ|| ಮುಖರ್ಜಿಯವರು ಹುತಾತ್ಮರಾದರೋ ಆ ಲಕ್ಷ್ಯ ಇನ್ನೂ ನೇರವೇರಬೇಕಾಗಿದೆ. ಆ ಪ್ರಖರ ರಾಷ್ಟ್ರಭಕ್ತರ ತ್ಯಾಗವು ವ್ಯರ್ಥವಾಗದಿರಲೆಂದು ಹಾರೈಸುತ್ತ ಆ ಸಮರ್ಪಿತ ಪ್ರೇರಣಾದಾಯಿ ಜೀವನದ ಹಲವು ಮುಖಗಳನ್ನು ಇಲ್ಲಿ ಸ್ಮರಿಸಲಾಗಿದೆ. ನವಭಾರತ ಇತಿಹಾಸ ನಿರ್ಮಾಪಕರ ಪಂಕ್ತಿಯಲ್ಲಿ ಗಣ್ಯ ಸ್ಥಾನ ಪಡೆದವರು ಡಾ|| ಶ್ಯಾಮಾಪ್ರಸಾದ ಮುಖರ್ಜಿ (6.7.1901-23.6.1953). ರಾಷ್ಟ್ರವಾದಿ ರಾಜಕಾರಣದ ಪ್ರವರ್ತಕರೆಂದು ಸಾಮಾನ್ಯವಾಗಿ ಅವರನ್ನು ನೆನೆಯಲಾಗುತ್ತದೆ. […]

ಕಳೆದ ಎಂಟು ವರ್ಷಗಳಿಂದ ‘ಉತ್ಥಾನ’ಮಾಸಪತ್ರಿಕೆಯ ಸಂಪಾದಕರಾಗಿದ್ದ  ಕಾಕುಂಜೆ ಕೇಶವ ಭಟ್ ಮೇ ಒಂದರಂದು 66ರ ವಯಸ್ಸಿನಲ್ಲಿ ಕೋವಿಡ್-19 ಸೋಂಕಿಗೆ ಬಲಿಯಾಗಿ ನಿಧನರಾದರೆಂದು ತಿಳಿಸಲು ಅತೀವ ವಿಷಾದವಾಗುತ್ತದೆ. ಈ ಹಿಂದೆಯೂ 1985-1990ರ ಅವಧಿಯಲ್ಲಿ ಐದು ವರ್ಷ ಕಾಲ ಕಾಕುಂಜೆ ಕೇಶವ ಭಟ್ ‘ಉತ್ಥಾನ’ದ ಸಹ-ಸಂಪಾದಕರಾಗಿದ್ದರು; ರಾಷ್ಟ್ರೋತ್ಥಾನ ಪರಿಷತ್ತಿನಲ್ಲಿ ಯೋಗಶಿಕ್ಷಕರೂ ಆಗಿದ್ದರು. ಹಲವು ವರ್ಷ ಅವರು ಸ್ಥಳಾಂತರಗೊಳ್ಳಬೇಕಾದ ಸಂದರ್ಭ ಒದಗಿ ಅವರಿದ್ದೆಡೆಯಲ್ಲೆಲ್ಲ ಖಾಸಗಿಯಾಗಿ ಅನೇಕ ತಂಡಗಳಿಗೆ ಯೋಗಶಿಕ್ಷಣ ನೀಡಿದ್ದರು. ಬೆಂಗಳೂರಿಗೆ ಮರಳುವುದು ಸಾಧ್ಯವಾದ ತರುವಾಯ 2012-15ರ ವರ್ಷಗಳಲ್ಲಿ ಭಾರತ-ಭಾರತಿ ಪುಸ್ತಕಮಾಲೆಯ […]

ಎಸ್.ಆರ್. ರಾಮಸ್ವಾಮಿ ನಮ್ಮ ನಡುವೆಯೇ ಇದ್ದು ದಶಕಗಳುದ್ದಕ್ಕೂ ನಿರಂತರ ಜ್ಞಾನಪ್ರಸಾರದಲ್ಲಿ ನಿರತರಾಗಿದ್ದ ಪ್ರಕಾಂಡ ವೇದವಿದ್ವಾಂಸ ಪಂಡಿತ ಸುಧಾಕರ ಚತುರ್ವೇದಿ ಅವರು ನಮ್ಮನ್ನಗಲಿ ಒಂದು ವರ್ಷ ಕಳೆದಿದೆ. ಪಂಡಿತ ಸುಧಾಕರ ಚತುರ್ವೇದಿ ಅವರು (20.4.1897-27.2.2020) ದೀರ್ಘಾಯುಷಿಗಳಾಗಿ, ರಾಜಕೀಯ ಆಗುಹೋಗುಗಳಲ್ಲಿ ಪಾತ್ರಧಾರಿಯಾಗಿ ಸಾಕ್ಷಿಯಾಗಿ ಇದ್ದವರು. ಅನಂತರ ವೇದಪ್ರಸಾರಕ್ಕೆ ತಮ್ಮನ್ನು ತೆತ್ತುಕೊಂಡವರು. ಜಲಿಯನ್‍ವಾಲಾಬಾಗ್ ಹತ್ಯಾಕಾಂಡದ ಪ್ರತ್ಯಕ್ಷದರ್ಶಿಗಳಾಗಿದ್ದುದಲ್ಲದೆ ಅಲ್ಲಿ ಪ್ರಾಣನೀಗಿದ ಸುಮಾರು ಸಾವಿರ ಜನರಿಗೆ ತಾವೇ ಅಂತ್ಯಸಂಸ್ಕಾರವನ್ನು ತಮ್ಮ ಕೈಯಿಂದ ನೆರವೇರಿಸಿದ್ದವರು. ಅನಂತರ ದಶಕಗಳ ಕಾಲ ಅವರು ಗಾಂಧಿಯವರ ಅನುಚರಣೆ ಮಾಡಿದರು; ಗಾಂಧಿಯವರ […]