ರಾಧಾಕೃಷ್ಣ ಕಲ್ಚಾರ್

ಸುರಾಸುರ (ಭಾಗ ಎರಡು)

Month : March-2020 Episode : Author : ರಾಧಾಕೃಷ್ಣ ಕಲ್ಚಾರ್

“ಎಷ್ಟುಕಾಲ? ಮಗೂ, ಅದನ್ನು ನಿರ್ಣಯಿಸಬೇಕಾದವನು ನೀನೆ. ನಿನ್ನ ತಪಸ್ಸು ಕಠಿಣವಾದಷ್ಟು ಸಿದ್ಧಿ ಶೀಘ್ರವಾಗುತ್ತದೆ. ಸಾವಿರ ವರ್ಷ ಅಂದರೆ ಒಂದು ಸಾವಿರವೆಂದಲ್ಲ. ಸುದೀರ್ಘಾವಧಿ ಎಂದರ್ಥ. ಸಿದ್ಧಿಸುವವರೆಗೆ ತಪಸ್ಸು ಮಾಡು” ಎಂದು ಪರಮೇಶ್ವರ ಅಂತರ್ಧಾನನಾದ. ಕಠಿಣ ತಪಸ್ಸು ಎಂದನಲ್ಲವೇ ಶಿವ? ನಿರಂತರ ಹೊಗೆಯುಕ್ಕುವಂತೆ ಕೆಂಡಗಳನ್ನು ಹರವಿ ಅದರ ಮೇಲಿನ ಮರದ ಕೊಂಬೆಗೆ ತಲೆಕೆಳಗಾಗಿ ಜೋತುಬಿದ್ದು ತಪಸ್ಸಿಗೆ ತೊಡಗಿದೆ. ದೈಹಿಕವಾಗಿ ಮಹಾಯಾತನೆಯನ್ನು ಅನುಭವಿಸುತ್ತ ಎಷ್ಟೋ ಕಾಲ ಕಳೆದಿರಬೇಕು. ಕೊನೆಗೊಮ್ಮೆ ಮೃತಸಂಜೀವಿನಿ ಸಿದ್ಧಿಯಾಗುವ ಮುಹೂರ್ತ ಒದಗಿತು. ನನ್ನೆದುರು ಮತ್ತೊಮ್ಮೆ ಪರಶಿವ ಕಾಣಿಸಿಕೊಂಡ. ಈ […]

ಪರಕಾಯಪ್ರವೇಶ – ‘ಶಪ್ತ’ ಭಾಗ-2

Month : October-2019 Episode : Author : ರಾಧಾಕೃಷ್ಣ ಕಲ್ಚಾರ್

ಆಶ್ರಮದ ಆವಾರದ ಹೊರಗೆ ಎರಡು ರಥಗಳು ಒಂದರ ಹಿಂದೆ ಒಂದೊಂದು ನಿಂತಿದ್ದವು. ರಭಸವಾಗಿ ಬಂದ ಕಾರಣ ರಥಚಕ್ರಗಳು ಎಬ್ಬಿಸಿದ ಧೂಳಿನ ಪರದೆ ನಿಧಾನವಾಗಿ ನೆಲಕ್ಕಿಳಿಯುತ್ತಿತ್ತು. ಅದರ ಹಿಂದೆ ಅಸ್ಪಷ್ಟವಾದ ಮೂರು ಮತ್ತೊಂದು ಆಕೃತಿಗಳು ಗೋಚರಿಸುತ್ತಿದ್ದವು. ಧೂಳು ಸರಿದು ನಿಚ್ಚಳವಾದಾಗ ಭೀಮಾರ್ಜುನ ಕೃಷ್ಣರು ನಾವಿದ್ದ ಕಡೆಗೆ ನಡೆದು ಬರುತ್ತಿದ್ದರು. ಅವರ ಹಿಂದೆ ಯುಧಿಷ್ಠಿರನೂ ಕಾಣಿಸಿದ. ಕೃಷ್ಣನ ಮುಖದಲ್ಲಿ ಎಂದಿನ ತಿಳಿಯಾದ ನಗು. ಆದರೆ ಸಾಯುಧರಾಗಿದ್ದ ಭೀಮಾರ್ಜುನರಿಬ್ಬರ ಮುಖಗಳು ನಿಗಿನಿಗಿ ಕೆಂಡಗಳಂತೆ ಉರಿಯುತ್ತಿದ್ದವು. ಬಹುಶಃ ನಾನು ಮಾಡಿದ ಅನಾಹುತ ತಿಳಿದು […]

ಪರಕಾಯಪ್ರವೇಶ- ‘ಶಪ್ತ’ (ಭಾಗ-1)

Month : September-2019 Episode : ಭಾಗ - 9 Author : ರಾಧಾಕೃಷ್ಣ ಕಲ್ಚಾರ್

ನಾನೀಗ ಒಂಟಿಯಾಗಿದ್ದೆ. ಮನಸ್ಸು ಕೊತಕೊತ ಕುದಿಯುತ್ತಿತ್ತು. ಕೃಪ ಕೃತವರ್ಮರಿಬ್ಬರೂ ನನ್ನನ್ನು ಬಿಟ್ಟು ಹೊರಟು ಹೋದರು. ನಾನು ಎಲ್ಲಿ ಹೋಗಲಿ? ಇಷ್ಟು ಹೊತ್ತಿಗಾಗಲೇ ನಾನು ಮಾಡಿದ ದಾರುಣ ಕೊಲೆ ಎಲ್ಲರಿಗೂ ತಿಳಿದಿರುತ್ತದೆ. ಆಚಾರ್ಯಪುತ್ರ ಅಶ್ವತ್ಥಾಮ ರಾತ್ರಿಹೊತ್ತು ಶಿಬಿರಕ್ಕೆ ನುಗ್ಗಿ ಮಲಗಿದ್ದ ಯೋಧರನ್ನು ಕಡಿದು ಕೊಂದ ಎಂಬ ವಾರ್ತೆ ಪಾಂಡವರ ಕಿವಿಗೂ ಬಿದ್ದಿರುತ್ತದೆ. ತಮ್ಮ ಸೇನಾನಿಯನ್ನು, ತಮಗಾಗಿ ಹೋರಾಡಿ ಗೆಲುವು ತಂದುಕೊಟ್ಟ ಸೈನಿಕರನ್ನು, ಅದಕ್ಕಿಂತ ಹೆಚ್ಚಾಗಿ ಎಳೆಯ ಉಪಪಾಂಡವರನ್ನು ಕತ್ತರಿಸಿ ಕೊಲೆ ಮಾಡಿದ ನನ್ನ ಕುರಿತು ಆಕ್ರೋಶ ಮುಗಿಲು ಮುಟ್ಟಿರುತ್ತದೆ. […]

ಪರಕಾಯಪ್ರವೇಶ – ಅಂತಿಮ – 2

Month : June-2019 Episode : Author : ರಾಧಾಕೃಷ್ಣ ಕಲ್ಚಾರ್

ಒಂದು ಕ್ಷಣ ನನ್ನಲ್ಲಿ ಭೀತಿ ಕಾಣಿಸಿಕೊಂಡಿತು. ಬಂದವನು ಭೀಮಸೇನನಿರಬಹುದೇ? ಯುಧಿಷ್ಠಿರನೆದುರು ತನ್ನ ಆಕ್ರೋಶವನ್ನು ಪೂರ್ಣ ಪ್ರಕಟಿಸಲಾರದೆ ಈಗ ಕತ್ತಲಾವರಿಸುತ್ತಿದ್ದಂತೆ ಉಳಿದವರಿಗೆ ಅರಿವಾಗದಂತೆ ಕಡೆಗೆ ಬಂದನೇ? ಅವನ ಸೇಡಿನ್ನೂ ತೀರಿಲ್ಲವೆ? ಏನು ಮಾಡುತ್ತಾನೀಗ? ನನ್ನ ಸಾವನ್ನು ಕಣ್ಣಾರೆ ನೋಡಲೆಂದು ಬಂದನೇ? ಅಥವಾ ಕೈಯಾರ ಕೊಲ್ಲುವನೆ? ಅಲ್ಲಾ ತೊಡೆಮುರಿದು ಬಿದ್ದ ನನಗೆ ಇನ್ನೂ ಚಿತ್ರಹಿಂಸೆ ಮಾಡಲೆಂದು ಬಂದನೇ? ಭೀಮ ಮಾಡಬಹುದಾದುದನ್ನು ಊಹಿಸಿಯೇ ಬೆದರಿದೆ. ಆದರೆ.. ಬರುತ್ತಿರುವವನು ಭೀಮನಿರಲಾರ ಅನಿಸಿತು. ಭೀಮನ ಕಟ್ಟುಮಸ್ತಾದ ದೇಹವಲ್ಲ ಇದು. ತೆಳುವಾದ ಕಾಯ. ಅಷ್ಟೇ ಅಲ್ಲ, […]

ಸಾರಥಿ

Month : July-2016 Episode : ಭಾಗ - 4 Author : ರಾಧಾಕೃಷ್ಣ ಕಲ್ಚಾರ್

ನನ್ನನ್ನು ಕೊಂಚ ದೂರದಲ್ಲಿದ್ದ ಬಿಡಾರದತ್ತ ಕರೆದೊಯ್ದ ಪರಿಚಾರಕನಲ್ಲಿ ಕೇಳಿದೆ, “ಅಯ್ಯಾ, ನಮ್ಮಲ್ಲಿ ಸಾಮಾನ್ಯ ಸೂತನೊಬ್ಬನಿಗೆ ಹೀಗೆ ಉಪಚರಿಸುವುದಿರಲಿ, ಮಲಗುವುದಕ್ಕೂ ಜಾಗ ಕೊಡುವವರಿಲ್ಲ. ನಾವೇನಿದ್ದರೂ ರಥದ ಮೂಕಿಯ ಮೇಲೆ ಮಲಗಿ ಬೆಳಗು ಮಾಡಬೇಕಾದವರು. ಅಂತಹದ್ದರಲ್ಲಿ ಇಷ್ಟು ಪ್ರೀತಿಯ ಆತಿಥ್ಯವನ್ನು ನೀಡುತ್ತಿರುವುದನ್ನು ಕಂಡು ಆಶ್ಚರ್ಯವಾಗುತ್ತಿದೆ. ಇದೇನು, ಮದ್ರದಿಂದ ಬಂದವನೆಂದು ನನ್ನನ್ನು ಆದರಿಸುತ್ತಿದ್ದೀರೋ, ಅಥವಾ ಯಾರು ಬಂದರೂ ಇದೇ ಬಗೆಯ ಸತ್ಕಾರವೇ?” ಅವನಾದರೋ ಮುಗುಳುನಗುತ್ತಲೇ ಉತ್ತರಿಸಿದ, “ನಿಜ ನೀನಾಡುತ್ತಿರುವುದು. ನೀನೆಂದೇನು, ಇಲ್ಲಿಗೆ ಬಂದ ಪ್ರತಿಯೊಬ್ಬನೂ ಅಚ್ಚರಿಯಿಂದಲೇ ನಮ್ಮಲ್ಲಿ ಹೀಗೆ ಕೇಳುತ್ತಾರೆ. ಪಾಂಡವರು, […]

ಸಾರಥಿ ಭಾಗ-3

Month : June-2016 Episode : ಭಾಗ - 3 Author : ರಾಧಾಕೃಷ್ಣ ಕಲ್ಚಾರ್

ನಿಧಾನ ಗತಿಯಿಂದ ಸಾಗುತ್ತಿತ್ತು ನಮ್ಮ ಪ್ರಯಾಣ. ಅಲ್ಲಲ್ಲಿ ಬೀಡು ಬಿಡುತ್ತ, ತೀರಾ ದಣಿವಾದಲ್ಲಿ, ಒಂದೊಂದು ಪೂರ್ತಿ ದಿನ ವಿಶ್ರಾಂತಿ ಪಡೆಯುತ್ತ, ಸೇನೆ ಮಂದ ವೇಗದಿಂದ ಮುಂದೆ ನಡೆಯುತ್ತಿತ್ತು. ಅಷ್ಟು ಮಂದಿಗೆ ಅಟ್ಟು ಉಣ್ಣುವುದಕ್ಕೆ ಹಾಗೂ ಶೌಚಕ್ಕೆ ಸಾಕಷ್ಟು ಕಾಲಾವಕಾಶ ಬೇಕಾಗುತ್ತಿತ್ತು. ಇದರಿಂದ ಪ್ರಯಾಣದ ಸಮಯ ಕಡಮೆಯಾಗಿ, ಉಣ್ಣುವುದು ಮತ್ತು ವಿಶ್ರಾಂತಿ ಪಡೆಯುವುದಕ್ಕೆ ಹೆಚ್ಚು ಕಾಲ ವ್ಯಯವಾಗತೊಡಗಿತು. ಈ ಕಾಲಹರಣ ಭೂಪತಿಗಳಿಗೆ ಅಸಮಾಧಾನ ಉಂಟುಮಾಡುತ್ತಿತ್ತು. ಆದರೆ ಏನೂ ಮಾಡುವ ಹಾಗಿರಲಿಲ್ಲ. ಆಹಾರ ಮತ್ತು ವಿಶ್ರಾಂತಿಗಳು ಕಡಮೆಯಾದರೆ ಸೈನಿಕರ ಯುದ್ಧಸಾಮರ್ಥ್ಯವೂ […]