ಅಣಕು ರಾಮನಾಥ್‍

ಧನುರ್ಮಾಸದ ಮತ್ತೊಂದು ಆಕರ್ಷಣೆಯೆಂದರೆ ಎಲೆಗಳ ಮೇಲೆ ಹೂಗಳ ಒಳಗೆ ಕಾಣುತ್ತಿದ್ದ ಅಮೃತದ ಬಿಂದುಗಳು. ಸಂಪಿಗೆ ಮರದ ಕೆಳಗೆ ನಿಂತಾದ ಅಲ್ಲೊಂದು ಇಲ್ಲೊಂದು ಹನಿಗಳು ಕೊರಳಪಟ್ಟಿಯ ಸಂದಿಯಲ್ಲಿ ತೂರಿ ತ್ವಚೆಯನ್ನು ಸ್ಪರ್ಶಿಸಿದಾಗ “ಝಮ್ಮಂದಿ ಸ್ಪರ್ಶಂ; ರೋಮಾಂಚ ಹರ್ಷಂ; ತನು ವೂಗಿಂದಿ ಈ ವೇಲ” ಎಂಬ ಹಾಡು ತ್ವಚೆಯ ಸಕಲ `ಠಿoಡಿe ಅಂದರ್’ಗಳಿಂದಲೂ ಹೊಮ್ಮುತ್ತಿತ್ತು. ಪರ್ಣಪುಷ್ಪಗಳೆಂಬ ಪ್ರಕೃತಿದತ್ತ ಕವಿಗಳಿಗೆ ಸನ್ಮಾನಿಸಲೆಂದೇ ಮೇಘಗಳು ತೊಡಿಸಿದ ಮಣಿಮಾಲೆಗಳಂತೆ ಈ ತಂಬನಿಗಳು (ತಂಪು+ಹನಿ=ತಂಬನಿ; ಹಿಮದೀರ್ಘಸಂಧಿ!) ತೋರುತ್ತವೆ. ಕಾಲವೆಂಬ ಮಡಿವಂತ ಅಡುಗೂಲಜ್ಜಿಯು ಮೋಡದ ತುಣುಕುಗಳನ್ನು ದ್ರವವಾಗಿಸಿ […]

ಬಾನೊಳು ತಿಂಗಳು ಮೊಳಗುತಿರೆ ಮೀನುಗಳಿಣುಕುತ ತೊಳಗುತಿರೆ ಶಾಂತಿಯ ಸೊಗದಲಿ ತುಂಬೆ ತಿರೆ ಬಾಳಿದು ಹುಸಿಯೆಂದೆಂಬುವರೆ? ಕುವೆಂಪು ವಿರಚಿತ ‘ಹುಣ್ಣಿಮೆ’ ಕವನದ ಚರಣವಿದು. ‘ಕುಕವಿಗಳ ಆಗಸದಿ/ ಕವಿದಮಾವಾಸ್ಯೆಯನು/ಹುಣ್ಣಿಮೆಯನಾಗಿಸಿದ/ ರಸಋಷಿಯೆ ಪುಟ್ಟಪ್ಪ’. ಕುವೆಂಪು ಈ ನಾಲ್ಕು ಸಾಲುಗಳಲ್ಲಿ ನಾಲ್ಕು ಬೆಳಕುಗಳನ್ನು ಸೂಚಿಸಿದ್ದಾರೆ. ಬಾನಿಗೆ ಚಂದಿರ, ತಾರೆಯರು ತುಂಬಿರುವ ದಿನವೇ ದೀಪಾವಳಿ. ಜಲಾಶಯಕ್ಕೆ ನೀರಿನಿಂದ ಇನಿತೇ ಚಿಮ್ಮಿ ಪುಳಕ್ಕನೆ ನೀರಿಗೆ ಮರಳುವ ಮೀನುಗಳ ಇಣುಕುಮಿಣುಕಿನ ಸಾಲೇ ದೀಪಾವಳಿ. ಬುವಿಗೆ ಯುದ್ಧಬಾಂಬುಗಳ ನಂತರದ ಶಾಂತಿಮತಾಪಿನ ಸಾಲೇ ದೀಪಾವಳಿ. ಬಾಳೆಂಬುದು ಅವಕಾಶಗಳೆಂಬ ದೀಪಗಳ ಆವಳಿಗಳನ್ನೀಯುವ […]

“ಈಗ ಖಿಲಾವೋ ಫಟಾಫಟ್ ಎಂದಾಗಿದೆ. ಚುನಾವಣೆಯ ಘೋಷಣೆ ಆಗುತ್ತಿದ್ದಂತೆಯೆ ‘ಮತದಾರ್ ಕೋ ಖಿಲಾವೋ’; ಚುನಾವಣೆ ಮುಗಿಯುತ್ತಿದ್ದಂತೆಯೇ “ಕೋಯಲಿಷನ್ ಪಾರ್ಟ್ನರ್ ಕೋ ಖಿಲಾವೋ.’ ಹಗರಣಗಳು ತಲೆಯೆತ್ತುತ್ತಿದ್ದಂತೆಯೆ ‘ಕಾನೂನ್ ಮಾರ್ನೇವಾಲೇ ಕೋ ಖಿಲಾವೋ”. ಎಲ್ಲವೂ ಫಟಾಫಟ್ ಆಗುವ ಚಳವಳಿಗಳೇ.’’ ಹೋಟೋಂಪೆ ಸಚ್ಚಾಯೀ ರೆಹತೀ ಹೈ ಜಹಾ ದಿಲ್ ಮೇ ಸಫಾಯೀ ರೆಹತೀ ಹೈ…’’ ಎಫ್‌ಎಂ ರೇಡಿಯೋದಿಂದ ಹಾಡು ಪ್ರಸಾರವಾಗುತ್ತಿತ್ತು. “ಕೊಂಚ ವ್ಯತ್ಯಾಸವಷ್ಟೆ” ಎಂಬ ಮಾತು ಕೇಳಿ, ಧ್ವನಿ ಬಂದತ್ತ ತಿರುಗಿದೆ. ಅದೇ ಬೊಚ್ಚುನಗೆಯ, ಅದೇ ಕನ್ನಡಕದ ಗಾಂಧಿ ನಿಂತಿದ್ದರು. “ಬಾಪೂಜೀ! […]

“ಪ್ರಾಕ್ಸಿಮಾ ಸೆಂಟಾರ್ ಭೂಮಿಗೆ ಹತ್ತಿರವಿರುವ ಗ್ರಹ. ಲ್ಯೂಟೆನ್ ಬಿ ಅದರ ಮೂರರಷ್ಟು ದೂರದಲ್ಲಿದೆ. ಸೌರವ್ಯೂಹವೂ ಒಂದು ಅಣುವಿನ ರೂಪದಲ್ಲಿಯೇ ಕೆಲಸ ಮಾಡುತ್ತದೆ. ಸೂರ್ಯನು ಪ್ರೋಟಾನ್ ಮತ್ತು ನ್ಯೂಟ್ರಾನ್‌ಗಳಂತಿದ್ದು ಸ್ಥಿರವಾಗಿದ್ದಾನೆ. ಪ್ಲೂಟೋ ಗ್ರಹವು ಎಲೆಕ್ಟ್ರಾನಿನಂತಿದ್ದು ಕೊಂಚ ಏರುಪೇರಾದರೂ ನಿಮ್ಮ ಸೌರಮಂಡಲದಿಂದ ಹೊರಹೋಗುತ್ತದೆ. ಅಂದರೆ ದೂರ ಇರುವುದು ಬೇಗ ಹೊರಹೋಗುತ್ತದೆ. ನಾವು ಪ್ರಾಕ್ಸಿಮಾಗಿಂತ ದೂರ ಇದ್ದೇವೆ. ನಮ್ಮ ಉಚ್ಚಾಟನೆ ಆದಕೂಡಲೆ ಡಿಸೋರಿಯೆಂಟಾ ಕ್ರಿಯೆಯನ್ನು ನಿಲ್ಲಿಸಿ ಪ್ರಾಕ್ಸಿಮಾ ಯಥಾಸ್ಥಿತಿಗೆ ಮರಳುತ್ತದೆ.” ಕಿರಣ್ ಮತ್ತೆ ಕಣ್ಣುಜ್ಜಿಕೊಂಡ. ಮತ್ತೆ ದೃಷ್ಟಿಸಿದ. “ಬಾಚಿ ತಬ್ಬಿಕೊಳ್ಳಬೇಕು ಎನ್ನಿಸುತ್ತಿದೆ […]

ಛತ್ರಿ ಅಥವಾ ಕೊಡೆ ಎಂಬ ಅರ್ಥವನ್ನು ಅನ್ವಯಿಸಿದಾಗಲೇ “ಜೊತೆಯಾಗಿ ಎಂದೂ ನಾನಿಲ್ಲವೇನು?’’ ಎಂಬ ಪ್ರಶ್ನಾರ್ಥಕ ವಾಕ್ಯವು ಧ್ವನಿಪೂರ್ಣವಾಗುವುದು. ಪ್ರಪಂಚದಲ್ಲಿ ಅತಿ ಹೆಚ್ಚು ಹಸ್ತಾಂತರವಾಗುವ ವಸ್ತುಗಳ ಪೈಕಿ ಅಗ್ರ ಪಂಕ್ತಿಯಲ್ಲಿರುವುವು ಪೆನ್ ಮತ್ತು ಕೊಡೆ. “ನೆನ್ನೆ ಅದು ಯಾರದೋ ಆಗಿತ್ತು; ಇಂದು ಅದು ನಿನ್ನದಾಗಿದೆ; ನಾಳೆ ಅದು ಇನ್ನಾರದೋ ಆಗಿರುತ್ತದೆ. ಅದು ಯಾವುದು?’’ ಎಂದರೆ ಇವೆರಡರಲ್ಲಿ ಯಾವುದನ್ನು ಬರೆದರೂ ಸರಿಯುತ್ತರವೆಂದು ಮಾರ್ಕ್ಸ್ ನೀಡಬೇಕಾಗುತ್ತದೆ. “ಜೊತೆಯಾಗಿ ಎಂದೂ ನಾನಿಲ್ಲವೇನು?’’ ಎಂದು ಕೇಳುವುದರಲ್ಲಿ “ನಾನು ಎಂದಿನಂತೆಯೇ ಇದ್ದೇನೆ. ನೀನು ನನ್ನನ್ನು ಇನ್ನೊಬ್ಬರಿಗೆ […]

“ಅದು ಈಕ್ವಲ್ ಡಿಸ್ಟ್ರಿಬ್ಯೂಷನ್ ಆಫ್ ವೆಲ್ತ್; ಇದು ಈಕ್ವಲ್ ಡಿಸ್ಟ್ರಿಬ್ಯೂಷನ್ ಆಫ್ ಸ್ಟೆಲ್ತ್. ಕದ್ದ ಮಾಲನ್ನು ಪಕ್ಷಾತೀತವಾಗಿ ಹಂಚಿಕೊಳ್ಳುವುದೇ ರಾಜಕೀಯ. ಇಲ್ಲಿನ ಜನಗಳ ಕ್ವಾಲಿಟಿಯೇ ಸ್ಪೆಷಲ್ಲು” ಎಂದು ಉತ್ತರಿಸಿದ್ದ ಮತ್ತೊಬ್ಬ. ನಿಜವೇ. ಖಡ್ಗಮೃಗದ ಕೊಂಬಿನಷ್ಟು ದಪ್ಪದ ಚರ್ಮ, ಎಂತಹ ಬೈಗುಳವನ್ನೂ ಹಸನ್ಮುಖದಿಂದ ಸ್ವೀಕರಿಸುವ ಸ್ಥೈರ್ಯ, “ನಾಚಿಕೆ ಹೇಸಿಗೆ ಎಲ್ಲ ಊರಿಂದಾಚ್ಗೆ” ಎನ್ನುವ ಭಾವ, ಸಕಲವನ್ನೂ ತಿಂದು ಜೀರ್ಣಿಸಿಕೊಳ್ಳುವ ಶಕ್ತಿ, ಈ ಎಲ್ಲ ಗುಣಗಳು ಇರುವವನು ಮಾತ್ರ ರಾಜಕೀಯದಲ್ಲಿ ಉಳಿದುಕೊಳ್ಳಬಲ್ಲ. ನಿರ್ಭಾವುಕತೆಯೇ ಇಲ್ಲಿನ ಸ್ಥಾಯೀಭಾವ. ಆಹಾ! ಗತಯುಗಗಳಿಗೂ ಇಂದಿನ […]

ವಿಮಾನಯಾನವೇ ಹಲವು ವೈಶಿಷ್ಟ್ಯಗಳ ಸಂಗಮ. ಇಂದಿಗೂ ಹಿಂದಿನ ಕಾಲದ ಆಚಾರವನ್ನು ಉಳಿಸಿಕೊಳ್ಳಲು ಹೆಜ್ಜೆಹೆಜ್ಜೆಗೂ ಹೆಣಗುವವನಿಗಂತೂ ಅಪಶಕುನಗಳ ಸರಮಾಲೆಯೇ ಎದುರಾಗುತ್ತದೆ. ಕುಂಕುಮಕ್ಕೆ ಎಂದೋ ಡೈವೋರ್ಸ್ ಕೊಟ್ಟ ಹಣೆಯುಳ್ಳ ರಿಸೆಪ್ಶನಿಷ್ಟಳು ‘ಎಲ್ಲಿಗೆ ಹೋಗುತ್ತಿದ್ದೀರಿ?’ ಎಂದು ಕೇಳುವುದರ ಮೂಲಕವೇ ಪ್ರಯಾಣದ ಆರಂಭ. ಫ್ಲೈಟ್ ಟೇಕಾಫ್ ಆಗುವುದಕ್ಕೆ ಮುನ್ನ ರಿಸೆಪ್ಶನಿಷ್ಟಳ ಹಣೆಯ ನಕಲಿನವಳೊಬ್ಬಳು ‘ನೀವು ಹೋಗುತ್ತಿರುವಾಗ ವಿಮಾನವು ಬೀಳುವಂತಾದರೆ ಪ್ಯಾರಾಚೂಟ್ ಬಳಸಿ’ ಎನ್ನುತ್ತಾಳೆ. ಪ್ಯಾರಾಚೂಟ್ ಎಂದರೆ ಹೇರಾಯಿಲ್ ಅಲ್ಲವೆ? ವಿಮಾನದಿಂದ ಬೀಳುವಾಗ ಪ್ರಾಣ ಉಳಿಸಿಕೊಳ್ಳುವುದು ಮುಖ್ಯವೋ, ಬಿದ್ದಾಗಲೂ ಚೆನ್ನಾಗಿ ಕಾಣಿಸಬೇಕೆಂದು ಎಣ್ಣೆ ಹಚ್ಚಿಕೊಂಡು […]

ಆ ಮುಖಾ ಈ ಮುಖಾ ಯಾವ ಗಂಡೊ ಯಾವ ಹೆಣ್ಣೊ ಪ್ರೀತಿಯೆಂಬ ಚುಂಬಕಾ ಕೂಡಿಸಿತ್ತು ಆಡಿಸಿತ್ತು ಕೂಡಲದೊಲು ನೋಟವಾ ಮೂರು ದಿನದ ಆಟವಾ| ಎಂದರು ಬೇಂದ್ರೆ. ಫೆಬ್ರುವರಿ ಹದಿನಾಲ್ಕರ ‘ಪುರೋಹಿತನ ಹೆಸರಲ್ಲಿ ಪ್ರೇಮದೋಕುಳಿಯಾಟ’ ಆಡುವ ಈ ದಿನಗಳಿಗೆ ಇದಕ್ಕಿಂತ ಉತ್ತಮ ಸಾಲುಗಳು ದೊರಕವು. ಹತ್ತ ಕಡಕು ಮಾತು ಖಡಕು ನೋಟವಂತು ಹತ್ತು ಕಡೆಕು ಹಲಕೆಲವೊ ಹುಟ್ಟು ಕುಡುಕು ಚಿಮ್ಮುತಿಹುದೊ ಲವ್ವು ಇವಕು ಎನ್ನುವುದೇ ಇಂದಿನ ಪ್ರೇಮದ ಸಿಲಬಸ್ ಆಗಿರುವಾಗ ‘ಆ ಮುಖಾ ಈ ಮುಖಾ’ಗಳ ಪೈಕಿ ಯಾವುದು […]

 ‘ನಾವೆಲ್ಲರೂ ಅಜ(ಬ್ರಹ್ಮ)ನ ದೃಷ್ಟಿಯಲ್ಲಿ ಸಮ ಎನ್ನುವುದರ ಕಲ್ಪನೆಯೇ ಸಮಾಜ. ನೀನು ಉಲ್ಲೇಖಿಸಿದ ಅಶಾಂತಿ ಮೈನಸ್; ಅದಕ್ಕೆ ಮೈನಸ್ ಆದುದು ನಾನು ಉಲ್ಲೇಖಿಸಿದ ವಿಷಯಗಳು. ಆ ಮೈನಸ್ಸನ್ನು ಈ ಮೈನಸ್ಸಿನಿಂದ ಹೋಗಲಾಡಿಸಿದರೆ ಸಮಾಜಕ್ಕೆ ಪ್ಲಸ್ ಆಗುತ್ತದೆ. ಒಂದು ವಿಧದಲ್ಲಿ ರಕ್ಕಸರ ಭಯೋತ್ಪಾದನೆಯೇ ಸುರನ ವಿವಿಧ ಅವತಾರಗಳಿಗೆ ಪ್ರೇರಣೆ. ‘ಹೊರಗೂ, ಒಳಗೂ; ಹಗಲೂ, ಇರುಳೂ; ನರನಿಂದಲೂ, ಮೃಗದಿಂದಲೂ ಸಾವಿರದಿರಲಿ’ ಎಂದುದರಿಂದಲೇ ಹೊಸ್ತಿಲಿನ ಕಾನ್ಸೆಪ್ಟು, ಪುರುಷಾಮೃಗದ ಆವಿಷ್ಕಾರವಾದುದು. ಉಗ್ರತೆ ಕಸ; ಅದನ್ನಡಗಿಸುವ ಕ್ರಿಯೆಯೇ ರಸ.’ ನ್ಯೂಟನ್ ಮರದ ಕೆಳಗೆ ಮಲಗಿದ್ದ. ಸೇಬೊಂದು […]