ರಾಧಾಕೃಷ್ಣ ಕಲ್ಚಾರ್

1. ದೇವೇಂದ್ರ ಅವಳನ್ನು ನೋಡುವವರೆಗೆ ಬಹಳ ಕುತೂಹಲವಿತ್ತು ನನಗೆ. ಏಕೆಂದರೆ ಅವಳ ಬಗೆಗೆ ಉಳಿದವರಾಡುತ್ತಿದ್ದ ಬಣ್ಣನೆಯ ಮಾತುಗಳು ಹಾಗಿದ್ದವು. ಬ್ರಹ್ಮದೇವ ಒಂದಿನಿತೂ ಕೊರತೆಯಿಲ್ಲದ ಹೆಣ್ಣನ್ನು ಸೃಷ್ಟಿಸುತ್ತೇನೆ ಎಂದು ಇವಳನ್ನು ನಿರ್ಮಿಸಿದನಂತೆ. ನಮ್ಮ ಊರ್ವಶಿಯ ಚೆಲುವಿಗಿಂತ ಅಧಿಕ ಲಾವಣ್ಯವುಳ್ಳ ಹೆಣ್ಣಂತೆ ಅವಳು… ಹೀಗೆಲ್ಲ ಆಡಿಕೊಳ್ಳುತ್ತಿದ್ದರು. ನನಗೆ ಸ್ತ್ರೀಯರ ವಿಷಯವೇನೂ ಹೊಸತಲ್ಲ. ಬೇಕಾದಷ್ಟು ಅಪ್ಸರೆಯರೂ ಬಯಸಿದಷ್ಟು ಭೋಗವೂ ಕಾಲಬುಡದಲ್ಲೇ ಹರಡಿಕೊಂಡಿತ್ತು. ಅಲ್ಲದೆ ಅತ್ಯಂತ ಸುಂದರಿಯಾದ ಶಚಿ ನನ್ನ ಪತ್ನಿ. ಹೀಗಾಗಿ ಯಾರೋ ಹೇಳಿದ ಮಾತು ಕೇಳಿ ಹಂಬಲಿಸಬೇಕಾದ ದಾರಿದ್ರ್ಯವೇನಿರಲಿಲ್ಲ. ಆದರೂ […]

ರಾಕ್ಷಸನ ಹರಿತವಾದ ಖಡ್ಗದ ಹೊಡೆತಕ್ಕೆ ಎರಡೂ ರೆಕ್ಕೆಗಳು ಕತ್ತರಿಸಲ್ಪಟ್ಟು ನೆಲಕ್ಕೆ ಬಿದ್ದುಬಿಟ್ಟೆ. ರಕ್ತ ಧಾರೆಧಾರೆಯಾಗಿ ಹರಿದು ಹೋಗುತ್ತಿತ್ತು. ಸಮೀಪದಲ್ಲಿ ಆ ದುಷ್ಟನ ಕೈಯಲ್ಲಿ ಸಿಲುಕಿದ ಜಾನಕಿಯ ಆರ್ತನಾದ ಕೇಳುತ್ತಿತ್ತು. ವಿಲಪಿಸುವುದನ್ನು ಉಳಿದು ಬೇರೇನೂ ಮಾಡಲಾಗದ ನನ್ನ ಕಿವಿಗಳಿಗೆ ಅವಳ ದನಿ ಅಸ್ಪಷ್ಟವಾಗುತ್ತ ಕೊನೆಗೆ ಕೇಳಿಸದಾಯಿತು. ಅವರಿಬ್ಬರೂ ನನ್ನಿಂದ ದೂರವಾಗುತ್ತಿರುವುದು ತಿಳಿಯಿತು. ಅಯ್ಯೋ! ಅಮಾಯಕಳಾದ ಮೈಥಿಲಿಯನ್ನು ರಕ್ಷಿಸಲಾರದೇ ಹೋದೆನಲ್ಲಾ! ಈ ವೇದನೆ ದೇಹದ ಯಾತನೆಗಿಂತ ಅಧಿಕವಾಗಿ ತೋರಿತು. ಅವಳಾದರೋ ಅಸಹಾಯಕಳೂ ಆರ್ತಳೂ ಆಗಿ ಕಣ್ಣೀರ್ಗರೆಯುತ್ತ ರಾಮ ಲಕ್ಷ್ಮಣರನ್ನು ಕೂಗಿ […]

ಪಾಂಚಾಲದ ಅರಸ ದ್ರುಪದ ಭೂಪತಿಯ ಮಗಳಾಗಿ ನಾನು ಹುಟ್ಟಿದೆ. ನನಗೆ ಶಿಖಂಡಿ ಎಂದು ಹೆಸರು. ಶಿಖಂಡಿ ಎಂದರೆ ನವಿಲು ಎಂದು ಅರ್ಥವಂತೆ. ಶಿಖೆ ಎಲ್ಲರ ತಲೆಯಲ್ಲೂ ಇರುತ್ತದೆ. ಆದರೆ ನನ್ನ ತಲೆಯಲ್ಲಿ ಅಂಡಾಕಾರದ ಶಿಖೆ ಇದ್ದುದರಿಂದ ಹಾಗೆ ಕರೆದರಂತೆ. ಅಂತೂ ಹುಟ್ಟಿದೆ. ಯಾಕೆ ಹುಟ್ಟಿದೆ ಎಂದು ಕೇಳುವುದು ಯಾರನ್ನು? ಕೇಳಿ ಪ್ರಯೋಜನವಾದರೂ ಏನು? ಆದರೆ ಉಳಿದವರಿಗೆ ಉತ್ತರವಿಲ್ಲದ ಪ್ರಶ್ನೆಗೆ ನನಗೆ ಒಂದು ಉತ್ತರವಲ್ಲದ ಉತ್ತರ ದೊರೆತಿತ್ತು. ನನ್ನ ಹುಟ್ಟಿನಲ್ಲಿ ಒಂದು ರಹಸ್ಯ ಅಥವಾ ಆಶಯ ಇತ್ತು ಎಂದು […]

“ಎಷ್ಟುಕಾಲ? ಮಗೂ, ಅದನ್ನು ನಿರ್ಣಯಿಸಬೇಕಾದವನು ನೀನೆ. ನಿನ್ನ ತಪಸ್ಸು ಕಠಿಣವಾದಷ್ಟು ಸಿದ್ಧಿ ಶೀಘ್ರವಾಗುತ್ತದೆ. ಸಾವಿರ ವರ್ಷ ಅಂದರೆ ಒಂದು ಸಾವಿರವೆಂದಲ್ಲ. ಸುದೀರ್ಘಾವಧಿ ಎಂದರ್ಥ. ಸಿದ್ಧಿಸುವವರೆಗೆ ತಪಸ್ಸು ಮಾಡು” ಎಂದು ಪರಮೇಶ್ವರ ಅಂತರ್ಧಾನನಾದ. ಕಠಿಣ ತಪಸ್ಸು ಎಂದನಲ್ಲವೇ ಶಿವ? ನಿರಂತರ ಹೊಗೆಯುಕ್ಕುವಂತೆ ಕೆಂಡಗಳನ್ನು ಹರವಿ ಅದರ ಮೇಲಿನ ಮರದ ಕೊಂಬೆಗೆ ತಲೆಕೆಳಗಾಗಿ ಜೋತುಬಿದ್ದು ತಪಸ್ಸಿಗೆ ತೊಡಗಿದೆ. ದೈಹಿಕವಾಗಿ ಮಹಾಯಾತನೆಯನ್ನು ಅನುಭವಿಸುತ್ತ ಎಷ್ಟೋ ಕಾಲ ಕಳೆದಿರಬೇಕು. ಕೊನೆಗೊಮ್ಮೆ ಮೃತಸಂಜೀವಿನಿ ಸಿದ್ಧಿಯಾಗುವ ಮುಹೂರ್ತ ಒದಗಿತು. ನನ್ನೆದುರು ಮತ್ತೊಮ್ಮೆ ಪರಶಿವ ಕಾಣಿಸಿಕೊಂಡ. ಈ […]

ಆಶ್ರಮದ ಆವಾರದ ಹೊರಗೆ ಎರಡು ರಥಗಳು ಒಂದರ ಹಿಂದೆ ಒಂದೊಂದು ನಿಂತಿದ್ದವು. ರಭಸವಾಗಿ ಬಂದ ಕಾರಣ ರಥಚಕ್ರಗಳು ಎಬ್ಬಿಸಿದ ಧೂಳಿನ ಪರದೆ ನಿಧಾನವಾಗಿ ನೆಲಕ್ಕಿಳಿಯುತ್ತಿತ್ತು. ಅದರ ಹಿಂದೆ ಅಸ್ಪಷ್ಟವಾದ ಮೂರು ಮತ್ತೊಂದು ಆಕೃತಿಗಳು ಗೋಚರಿಸುತ್ತಿದ್ದವು. ಧೂಳು ಸರಿದು ನಿಚ್ಚಳವಾದಾಗ ಭೀಮಾರ್ಜುನ ಕೃಷ್ಣರು ನಾವಿದ್ದ ಕಡೆಗೆ ನಡೆದು ಬರುತ್ತಿದ್ದರು. ಅವರ ಹಿಂದೆ ಯುಧಿಷ್ಠಿರನೂ ಕಾಣಿಸಿದ. ಕೃಷ್ಣನ ಮುಖದಲ್ಲಿ ಎಂದಿನ ತಿಳಿಯಾದ ನಗು. ಆದರೆ ಸಾಯುಧರಾಗಿದ್ದ ಭೀಮಾರ್ಜುನರಿಬ್ಬರ ಮುಖಗಳು ನಿಗಿನಿಗಿ ಕೆಂಡಗಳಂತೆ ಉರಿಯುತ್ತಿದ್ದವು. ಬಹುಶಃ ನಾನು ಮಾಡಿದ ಅನಾಹುತ ತಿಳಿದು […]

ಒಂದು ಕ್ಷಣ ನನ್ನಲ್ಲಿ ಭೀತಿ ಕಾಣಿಸಿಕೊಂಡಿತು. ಬಂದವನು ಭೀಮಸೇನನಿರಬಹುದೇ? ಯುಧಿಷ್ಠಿರನೆದುರು ತನ್ನ ಆಕ್ರೋಶವನ್ನು ಪೂರ್ಣ ಪ್ರಕಟಿಸಲಾರದೆ ಈಗ ಕತ್ತಲಾವರಿಸುತ್ತಿದ್ದಂತೆ ಉಳಿದವರಿಗೆ ಅರಿವಾಗದಂತೆ ಕಡೆಗೆ ಬಂದನೇ? ಅವನ ಸೇಡಿನ್ನೂ ತೀರಿಲ್ಲವೆ? ಏನು ಮಾಡುತ್ತಾನೀಗ? ನನ್ನ ಸಾವನ್ನು ಕಣ್ಣಾರೆ ನೋಡಲೆಂದು ಬಂದನೇ? ಅಥವಾ ಕೈಯಾರ ಕೊಲ್ಲುವನೆ? ಅಲ್ಲಾ ತೊಡೆಮುರಿದು ಬಿದ್ದ ನನಗೆ ಇನ್ನೂ ಚಿತ್ರಹಿಂಸೆ ಮಾಡಲೆಂದು ಬಂದನೇ? ಭೀಮ ಮಾಡಬಹುದಾದುದನ್ನು ಊಹಿಸಿಯೇ ಬೆದರಿದೆ. ಆದರೆ.. ಬರುತ್ತಿರುವವನು ಭೀಮನಿರಲಾರ ಅನಿಸಿತು. ಭೀಮನ ಕಟ್ಟುಮಸ್ತಾದ ದೇಹವಲ್ಲ ಇದು. ತೆಳುವಾದ ಕಾಯ. ಅಷ್ಟೇ ಅಲ್ಲ, […]