ಕೇಂದ್ರಸರ್ಕಾರದ ಅಂಗಗಳಾದ ಹತ್ತು ಮುಖ್ಯ ಇಲಾಖೆಗಳಲ್ಲಿ ಉನ್ನತ ಸ್ಥಾನಗಳಿಗೆ ಸರ್ಕಾರೀ ಅಧಿಕಾರ ರಚನೆಗೆ ಸೇರಿರದ ಹೊರಗಿನ ಅನುಭವಿ ತಜ್ಞರನ್ನು ಜಾಯಿಂಟ್ ಸೆಕ್ರೆಟರಿ ಟು ಗವರ್ನ್‌ಮೆಂಟ್ ಪದವಿಯಲ್ಲಿ ನೇಮಿಸಿಕೊಳ್ಳಲಾಗುತ್ತದೆಂದು ಕಳೆದ ಜೂನ್ ೧೮ರಂದು ಸರ್ಕಾರೀ ಪ್ರಕಟನೆಯೊಂದು ಹೊರಟಿದೆ. ಹಲವು ತಿಂಗಳ ಹಿಂದೆಯೆ ಸರ್ಕಾರ ಈ ದಿಶೆಯಲ್ಲಿ ಚಿಂತಿಸುತ್ತಿದೆಯೆಂದು ತಿಳಿಸಲಾಗಿತ್ತು. ಸರ್ಕಾರೇತರ ಸಂಸ್ಥೆಗಳಲ್ಲಿರುವ ಪ್ರತಿಭಾವಂತರ ಅನುಭವದ ಪ್ರಯೋಜನ ಸರ್ಕಾರೀ ಯೋಜನೆಗಳನ್ನು ರೂಪಿಸುವುದರಲ್ಲಿಯೂ ಕಾರ್ಯಾನ್ವಯದಲ್ಲಿಯೂ ಲಭ್ಯವಾಗಲಿ ಎಂಬುದು ಉದ್ದೇಶ. ಇದರಿಂದ ಆಡಳಿತದಲ್ಲಿ ಹೆಚ್ಚಿನ ಚೇತರಿಕೆ ಮೂಡಲೆಂಬುದು ನಿರೀಕ್ಷೆ. ಮೂರರಿಂದ ಐದು ವರ್ಷಗಳ ಅವಧಿಗೆ ಕರಾರಿನ ಮೇಲೆ ಈ ನೇಮಕ ನಡೆಯುತ್ತದೆ. ಎಷ್ಟೋ ವರ್ಷಗಳ ಹಿಂದಿನಿಂದಲೇ ಈ […]
